Ko e Muimui ʻi he Kau Palōfitá mo e Kau ʻAposetoló
ʻOku ui ʻe he ʻOtuá ha kau palōfita mo ha kau ʻaposetolo ke akoʻi kitautolu ki he meʻa ʻoku finangalo e ʻOtuá ke tau ʻiló. Te tau lava ʻo lau ʻi he folofolá fekauʻaki mo ha kau palōfita hangē ko Noá, Nīfai, mo Siosefa Sāmita, mo ha kau ʻaposetolo hangē ko Pita mo Paulá. ʻOku ʻi ai haʻatau kau palōfita mo e kau ʻaposetolo he ʻahó ni!
Ko e hā ʻa e “palōfita, tangata kikite, mo e tangata maʻu fakahā”?
ʻOku lea ʻa e palōfitá maʻá e ʻOtuá.
ʻOku lava ʻa e tangata kikité ʻo mamata ki he kuo hilí, lolotongá, pea mo e kahaʻú.
ʻOku fakahā (pe fakahaaʻi) mai ʻe he tangata maʻu fakahaá ʻa e finangalo ʻo e ʻOtuá kiate kitautolu.
-
ʻOku hoko ʻa e kau mēmipa kotoa ʻo e Kau Palesitenisī ʻUluakí ko e kau palōfita, kau tangata kikite, mo e kau tangata maʻu fakahā. ʻOku pehē kotoa foki mo e Kau ʻAposetoló.
-
Ngata pē ʻi he Palesiteni ʻo e Siasí ʻokú ne maʻu ʻa e mafai mei he ʻOtuá ke tataki ʻa e Siasí fakakātoa.
-
Ko e kau palōfita moʻui, kau tangata kikite, mo e kau tangata maʻu fakahā kotoa ʻe toko fiha ʻoku tau maʻú?
12 15 3 1
Talí: 15
Ko e hā ʻoku mahuʻinga ai ke muimui ki he palōfitá?
ʻOku hangē ʻa e palōfitá ha taha ʻoku leʻo mei ha tauá (vakai foki ki he peesi 38). ʻOkú ne lava ʻo mamata ki he fakatuʻutāmaki ʻoku tuʻunuku maí mo talamai kiate kitautolu ʻa e founga ke tau hao aí. ʻOkú ne tokonʻiʻi kitautolu ke tau muimui ʻia Sīsū Kalaisi.
Ko e hā kuo kole mai ʻe hotau palōfitá ke tau faí?
Ko hotau palōfita he ʻaho ní ko Palesiteni Tōmasi S. Monisoni. Ko e niʻihi ʻeni ʻo e ngaahi meʻa kuó ne kole mai ke tau faí.
-
Muimui ʻi he sīpinga ʻa Sīsuú pea ʻofa ki he tokotaha kotoa pē.
-
Totongi vahehongofulu mo foaki ki he paʻanga ngāue fakafaifekaú.
-
Fakamamaʻo mei he ngaahi heleʻuhila, TV, mo e ngaahi mītia kovi kehé.
-
Fokotuʻu ha fakatātā ʻo e temipalé ʻi he loki mohe kotoa pē.
-
Ako ʻa e ngaahi lea ʻi he konifelenisi lahí.
-
ʻAʻahi ki he kau toulekeleká pea hoko ko ha kaungāʻapi lelei.
Fili ha meʻa ʻe taha mei he lisí te ke lava ʻo fai ʻi he māhiná ni. Ko e hā ʻa e meʻa te ke faí?