Mga Sagot mula sa Isang Apostol
Ano ang ginagawa ng mga Apostol?
Ni Elder David A. Bednar
Ng Korum ng Labindalawang Apostol
Mula sa Face to Face worldwide broadcast nina Elder at Sister Bednar.
Ang mga Apostol ay mga lingkod ng Panginoon. Naglalakbay sila para bumisita sa mga miyembro ng Simbahan sa iba’t ibang panig ng mundo.
Noong unang pagkakataon kong maglakbay bilang Apostol, nakilala ko ang isang lalaking nahihirapang sundin ang Word of Wisdom. Sabi ko sa kanya, “Isinugo ako ng Panginoon dito para bigyan ka ng isang simpleng mensahe: ‘Magagawa mo ito. Ipinapangako ko na matatamo mo ang Kanyang tulong sa pagharap mo sa hamong ito.’”
Isusugo ba ng Panginoon ang isa sa Labindalawang Apostol sa kabilang panig ng mundo para tulungan lang ang isang tao? Ang sagot ay oo. Lagi Niyang ginagawa iyan.