O Talafaasolopito o Aiga ua Tuufaatasia ai Aiga
Yael B., Atenitina
Sa ou tau i se sini o le Alualu i Luma o le Tagata Lava Ia lea na faaosofia ai au e amataina le gafa o lou aiga. Soo se taimi lava sa ou alu ai i o’u matua matutua mo le taumafataga o le aoauli, sa la faamatalaina ia te au ni tala mai o laua olaga faapea ma isi tagata o lou aiga. Na amata ona ou alu i le nofoaga autu mo talafaasolopito o aiga ma aoina mai ia faamatalaga e uiga i lo’u aiga.
Ou te manatua le taimi na ou maua ai le faamatalaga e uiga i le tinamatua a lo’u tinamatua. A o maitaga, na malaga mai ai o ia i Atenitina i luga o se vaa. I le taimi o le faigamalaga, sa tanuina ai lana tama tama i le sami. Sa na o ia o se tala pe ana ou le mauaina lona igoa i totonu o se faamaumauga. Sa amata ona ou latalata atili atu i o’u matua matutua, ma na ou iloaina o’u tuaa e peiseai sa matou nonofo faatasi. Sa ou maua faamatalaga e uiga i o’u augatama, faasoa atu le tala fiafia o le faamauga e faavavau, ma fesoasoani i le faamanuiaina o le tele o augatupulaga.
Sa faaauau pea ona ou iloa ia oa natia e faafetai ai i le FamilySearch. Ou te fiafia i le saunoaga a Peresitene Thomas S. Monson: “Ou te tautino atu pe afai tatou te faia mea uma tatou te mafai e faataunuu ai le galuega ua tuuina mai i o tatou luma, o le a faaavanoaina e le Alii ia i tatou ki paia e manaomia e tatalaina ai le oa o loo tatou sailia naua.”1 E ala ia tatou taumafaiga, o le a tatou iloa ai ki o a tatou oa e faavavau, ma o le a mafai ona tatou feiloai i se aso ma o tatou tuaa faaletagata.