Faaopoopo Atu i le Manuia
O le tusitala e alala i São Paulo, Pasila.
Ata na tusia e J. Beth Jepson
Ina ua 14 ou tausaga, na vaai lou faiaoga o le fisiki i lau taleni i le matematika ma faaulu au i le Tauvaga o le Olimipeka o le Matematika a Pasila. E tolu ona vaega. O le vaega muamua ma le lona lua e faia i le Aso Toonai. O au sa i le faatulagaga lona tolu ma iloa ai e lua aso o le a faia ai, Aso Toonai ma le Aso Sa.
Sa ou tauina atu i lau faiaoga ma le faatonu o le Olimipeka ou te le suea se suega i le Aso Sa ona o le aso o le Alii. Sa talosagaina au e le faatonu e talanoa i ou taitai faale-Ekalesia ina ia faataga au e sue le suega i le Aso Sa, aua a ou le sue, o le a faaleaogaina au. Sa ou fai atu e mafai ona ou faagaloina mea uma ae e le mafai ona faagalo le Atua.
Sa ou lei faanoanoa, ona sa ou maua le faamoemoe e faamamaluina e le Atua i latou o e faamamaluina o Ia. Na ou manatua le Mataio 6:33: Ae ia outou muai saili le malo o le Atua ma lana amiotonu, ma o le a faaopoopo atu ia te outou nei mea uma.”
O ni vaiaso mulimuli ane sa matou faafesootaia ai le failautusi o le Olimipeka, lea na tauina mai e le mafai ona ou sueina le suega i soo se isi lava aso ma o le a faaleaogaina au. Ina ua mavae le tele o talanoaga, sa ia fautua mai ina ia ou auina atu ia te ia se imeli e faamalamalamaina ai lo’u tulaga. Ina ua uma ona auina atu le imeli, sa ou tatalo i le Tama Faalelagi ma tau atu o le a ou faia Lona finagalo.
O le po na sosoo ai, na ou maua ai se imeli mai le taitai faamaopoopo o ta’u mai ai e mafai ona ou sueina le suega o le Aso Sa i le Aso Gafua i le taimi e sili ona talafeagai mo au, ma sa oo lava i lona ofo mai e faatautaia le suega i lou lava nuu ina ia aua ai nei ou misia le vasega o le aoga i le taeao.
Ina ua uma ona mauaina lenei tala fiafia, sa ou tatalo e faafetai atu i le Alii aua sa Ia fesoasoani mai ia te au. Na o o’u matua i le malumalu e faailoa atu le faafetai.
Ina ua maua taunuuga o le suega, sa ou mauaina le pine auro. E faamamaluina e le Alii i latou o e faamamaluina o Ia.