សមាជិកអាចស្នើសុំខ្សែស្រឡាយនៃសិទ្ធិអំណាចបព្វជិតភាព

ដោយ រ៉ាយអែន ម៉រហ្គីនីហ្គ

ព័ត៌មានសាសនាចក្រ

ឥឡូវនេះ សាសនាចក្រអាចផ្តល់ព័ត៌មាននៃខ្សែស្រឡាយនៃសិទ្ធិអំណាចបព្វជិតភាព ជាការបម្រើមួយដល់សមាជិកតាមការស្នើសុំ ។ ខ្សែស្រឡាយនៃសិទ្ធិអំណាចបព្វជិតភាព គឺជាគំរូមួយនៃការតែងតាំងជាបន្តបន្ទាប់ ដែលអាចនាំត្រឡប់ទៅដល់ការចាប់ផ្តើមដំបូងនៃសាសនាចក្រ ហើយទីបំផុតគឺដល់ព្រះអង្គសង្គ្រោះ ។

ទោះជាអ្នកកាន់បព្វជិតភាពម្នាក់ដែលមានតំណែងពួកចិតសិបនាក់ អាចត្រូវបានបញ្ចូលទៅក្នុងខ្សែស្រឡាយនៃសិទ្ធអំណាចផ្ទាល់ខ្លួនរបស់សមាជិកក៏ដោយ ក៏គ្មានខ្សែស្រឡាយដោយឡែកណាមួយ ដែលត្រូវបានរក្សាសម្រាប់តំណែងនៃពួកចិតសិបនាក់ឡើយ ។ មួយវិញទៀត ខ្សែស្រឡាយនៃសិទ្ធិអំណាចបព្វជិតភាពសម្រាប់ប៊ីស្សព និង លោកអយ្យកោដែលបានតែងតាំង គឺត្រូវបានរាយរាប់តាមរយៈការតែងតាំងតំណែងសង្ឃជាន់ខ្ពស់របស់ពួកគេ ។

មានតែពត៌មានអំពីខ្សែស្រឡាយនៃសិទ្ធិអំណាចបព្វជិតភាពមិលគីស្សាដែកតែប៉ុណ្ណោះ ដែលអាចស្នើសុំពីសាសនាចក្របាន ខ្សែស្រឡាយបព្វជិតភាពអើរ៉ុនគឺពុំមានឡើយ ។ សមាជិកទាំងឡាយអាចស្នើសុំខ្សែស្រឡាយនៃសិទ្ធិអំណាចបព្វជិតភាពមិលគីស្សាដែកបានសម្រាប់តែខ្លួនឯង កូនដែលកំពុងរស់នៅក្នុងផ្ទះជាមួយ ឬ អ្នកផ្សព្វផ្សាយសាសនាវ័យក្មេងដែលកំពុងបម្រើបេសកកម្មនាពេលបច្ចុប្បន្នតែប៉ុណ្ណោះ ។ ឯកសារទាំងនេះ មិនមែនជាឯកសារផ្លូវការរបស់សាសនាចក្រឡើយ ។

បើសិនអ្នកមានបំណងចង់ស្នើសុំខ្សែស្រឡាយនៃសិទ្ធិអំណាចបព្វជិតភាពរបស់អ្នក នោះសូមបញ្ចូលឈ្មោះពេញស្របច្បាប់របស់អ្នក ថ្ងៃខែឆ្នាំកំណើត លេខសមាជិកភាព ( ដែលមាននៅលើប័ណ្ណចូលព្រះវិហារបរិសុទ្ធ ឬ មកពីស្មៀនវួដរបស់អ្នក ) ឈ្មោះរបស់បុគ្គលដែលបានតែងតាំងអ្នកឲ្យទទួលតំណែងជាអែលឌើរ ឬ សង្ឃជាន់ខ្ពស់ ( បើសិនជាស្គាល់ ) និង អាសយដ្ឋានរបស់អ្នកដែលត្រូវផ្ញើត្រឡប់ទៅវិញ និង លេខទូរស័ព្ទ ឬ អាសយដ្ឋានអ៊ីម៉ែល ។

សូមផ្ញើការស្នើសុំរបស់អ្នកទៅកាន់ ៖

Priesthood Line of Authority

Global Service Center

120 North 200 West

Salt Lake City, Utah 84103-1514, USA

ទូរសារលេខ ៖ 1-801-240-6816

ទូរស័ព្ទលេខ ៖ 1-800-453-3860 បន្តទៅលេខ 2-3500

អ៊ីម៉ែល ៖ សូមអ៊ីម៉ែលទៅកាន់ lineofauthority@ldschurch.org ដោយដាក់ « PLA » នៅបន្ទាត់ប្រធានបទ ។ អ្នកនឹងទទួលបានទម្រង់បែបបទមួយត្រឡប់ទៅវិញ ដើម្បីបំពេញ ហើយបញ្ចូលត្រឡប់មកវិញ ( មានការឆ្លើយតបដោយស្វ័យប្រវត្តិទៅកាន់សារដែលមានពាក្យ « PLA » នៅបន្ទាត់ប្រធានបទ ) ។

ខ្សែស្រឡាយនៃសិទ្ធិអំណាចបព្វជិតភាពសម្រាប់អស់អ្នកដែលធ្វើការតែងតាំង អាចមានតរហូតដល់ព្រះអង្គសង្គ្រោះ ។