នៅជុំវិញសាសនាចក្រ
ប្រទេស ម៉ុងហ្គោលី ប្រារព្ធខួបលើកទី 20 ឆ្នាំនៃសាសនាចក្រ
នៅថ្ងៃចន្ទ ទី 15 ខែមេសា ឆ្នាំ 2013 មានសមាជិកសាសនាចក្រច្រើនជាង 300 នាក់បានប្រមូលផ្ដុំគ្នានៅភ្នំ ហ្សៃសាន នៅ អ៊ុលឡានបាតា ប្រទេស ម៉ុងហ្គោលី ដើម្បីប្រារព្វខួបលើកទី 20 នៃសាសនាចក្រនៅក្នុងប្រទេសនោះ ។ មានក្រុមចម្រៀងដែលមានសមាជិក 50 នាក់ ហើយក្រុមនោះបានស្ដាប់ការថតចម្លងនៃប្រសាសន៍របស់អែលឌើរ នែល អេ ម៉ាក់ស្វែល ( ឆ្នាំ 1926–ដល់ ឆ្នាំ 2004 ) នៅពេលលោកបានឧទ្ទិសឆ្លងប្រទេសម៉ុងហ្គោលី ដើម្បីផ្សាយដំណឹងល្អនៅឆ្នាំ 1993 ។
អែលឌើរ តៃ វ៉ក យិន ជាអតីតជាសមាជិកនៃគណៈប្រធានតំបន់អាស៊ី ដែលអមដំណើរជាមួយអែលឌើរ ម៉ាក់ស្វែល ទៅប្រទេសម៉ុងហ្គោលី ក្នុងឆ្នាំ 1993 បានសង្កេតឃើញពីរបៀបដែល « ព្រះហស្តរបស់ព្រះអម្ចាស់ បានកំពុងធ្វើឲ្យផ្លាស់ប្ដូរគ្មានឈប់ឈរនៅក្នុងផ្នែកនេះនៃចម្ការរបស់ទ្រង់ » ។
សកម្មភាពផ្សេងៗ នៅពេញមួយសប្ដាហ៍បានគូសចំណាំនូវពិធីរំឭកខួបនេះ ។ ការជួបជុំជាបេសកកម្ម បាននាំអ្នកត្រឡប់មកពីផ្សព្វផ្សាយសាសនាចំនួន 200 នាក់មក ។ មានប្រជាជនម៉ុងហ្គោលីជាង 1000 នាក់បានបម្រើជាអ្នកផ្សព្វផ្សាយសាសនាពេញម៉ោង—ស្ទើរតែមានក្នុងចំណោមសមាជិកចំនួន 10 នាក់ នោះមានពួកអ្នកផ្សព្វផ្សាយសាសនាពេញម៉ោងម្នាក់ក្នុងប្រទេសម៉ុងហ្គោលី ។ ពិធីបុណ្យជ្រមុជទឹក ត្រូវបានធ្វើឡើងពាសពេញប្រទេសម៉ុងហ្គោលី នៅល្ងាចថ្ងៃសុក្រ ដោយមានមនុស្ស 24 នាក់បានជ្រមុជទឹកនៅថ្ងៃនោះ ។ម៉ារី អិន ឃុក ដែលបានដោះលែងពីគណៈប្រធានយុវនារីទូទៅថ្មីៗនេះ បានមានប្រសាសន៍នៅក្នុងការប្រជុំធម្មនិដ្ឋានយុវនារីមួយ ហើយក្នុងពិធីសម្ភោធកន្លែងពង្សប្រវត្តិមួយ ត្រូវបានចាក់បញ្ចាំងវីដេអូមួយដែលមាននូវការណែនាំអំពីគម្រោងដើមឈើគ្រួសារថ្មី ។ រូបភាពខាងវប្បធម៌ដ៏ប្លែកមួយ បង្ហាញអំពីវប្បធម៌ដ៏សម្បូរបែបរបស់ប្រទេសម៉ុងហ្គោលី និង ទេពកោសល្យរបស់សមាជិកសាសនាចក្រជាច្រើន ។
ពួកបរិសុទ្ធថ្ងៃចុងក្រោយនៅក្នុងពិធីរំឭកខួបប្រទេសហៃទី ជួយដាំដើមឈើ
នៅថ្ងៃទី 1 ខែឧសភា សមាជិកទាំងឡាយនៃសាសនាចក្រនៅប្រទេសហៃទី បានចូលរួមក្នុងគម្រោងដាំដើមឈើដ៏ធំមួយ នៅទូទាំងប្រទេស ។ កូនឈើដ៏សន្ធឹកសន្ធាប់ ត្រូវបានដាក់ដាំនៅថ្ងៃទីមួយនៃគម្រោងនោះ ហើយនឹងមានដើមឈើច្រើនទៀតដាក់ដាំតាមក្រោម ។នៅពេលគម្រោងត្រូវបានបញ្ចប់ នោះនឹងមានកូនឈើថ្មីចំនួន 400,000 ដើមទៀត ដុះនៅក្នុងប្រទេសហៃទី រួមមាន ដើមក្រូចឆ្មា ដើមក្រូច ដើមដូង ដើមល្ហុង និង ដើមអូក ។
សាសនាចក្របានទិញកូនឈើជាច្រើន ចូលរួមចំណែកគាំទ្រជាបន្ដបន្ទាប់ក្នុងការងើបចេញពីការរំជួយដីរបស់ប្រទេសហៃទី ។ គម្រោងនោះក៏បានផ្ដល់ដល់សមាជិកទាំងឡាយនូវគម្រោងនៃការបម្រើមួយចំពោះការប្រារព្ធពិធីខួបលើកទី 30 នៃសាសនាចក្រនៅក្នុងកោះនៃជាតិសាសន៍នេះ ។ កាលពីបីទស្សវត្សរ៍កន្លងទៅ ប្រធាន ថូម៉ាស អេស. ម៉នសុនដែលកាលនោះគឺជាសមាជិកនៃកូរ៉ុមនៃសាវកដប់ពីរនាក់បានទៅទស្សនកិច្ចនៅប្រទេស ហៃទី ហើយបានឧទ្ធិសឆ្លងដែនដីនេះសម្រាប់ការផ្សព្វផ្សាយដំណឹងល្អដែលបានស្តារឡើងវិញ ។
អែលឌើរ នែល អិល អាន់ឌើរសិន នៃកូរ៉ុមនៃពួកសាវកដប់ពីរនាក់ មានវត្តមាននៅក្នុងប្រទេសហៃទី ក្នុងពេលធ្វើពិធីប្រារព្ធខួប និង ធ្វើជាអធិបតីក្នុងការសម្ភោធបើកអក្សរចារិករំឭកចាំមួយ ដែលគូសចំណាំជាការចាប់ផ្ដើមនៃសាសនាចក្រពីដំបូងក្នុងប្រទេសហៃទី ។
សាសនាចក្របានបរិច្ចាកម្ហូបអាហារចំនួនមួយលានផោនដល់អង្គការចិញ្ចឹមអាមេរិក
នៅក្នុងខែឧសភា ឆ្នាំ 2013 សាសនាចក្រ បានបរិច្ចាគម្ហូបអាហារច្រើនជាងមួយលានផោន ទៅដល់អង្គការចិញ្ចឹមអាមេរិកធំជាងគេបំផុត ជាអង្គការជួយសង្គ្រោះជនស្រេកឃ្លាននៅក្នុងសហរដ្ឋ ដែលពុំរកប្រាក់ចំណេញ ។ ការបរិច្ចាគ រួមមានទាំងម្ហូបអាហារកំប៉ុង ដូចជា ផ្លែឈើ បន្លែ និង សណ្ដែកកំប៉ុង ដែលនឹងផ្ដល់ដល់គ្រួសារដែលខ្វះខាត តាមកន្លែងស្នាក់នៅក្នុងសហគមន៍ផ្សេងៗនៅទូទាំងសហរដ្ឋ ។
បប អៃឃិន ជាប្រធាន និង ជានាយកប្រតិបត្តិនៃអង្គការចិញ្ចឹមអាមេរិក បាននិយាយថា ការបរិច្ចាគនឹងផ្ដល់ជាអាហារចំនួនប្រហែល 625,000 ពេល ។
អ្នករាំរៀបជាទម្រង់លេខ « 20 » អំឡុងពេលសម្ដែង គឺដើម្បីរំឭកអំពីខួបលើកទី 20 នៃសាសនាចក្រនៅក្នុងប្រទេសម៉ុងហ្គោលី ។
រូបថតរចនានៃបេសកកម្មអ៊ុលឡាអានបាតា ម៉ុងហ្គោលី
ពួកអ្នកផ្សព្វផ្សាយសាសនា និង សមាជិក នៅក្នុងការដាំដើមឈើក្នុងប្រទេសហៃទី នៅលើភ្នំខ្ពស់ពីលើទីក្រុងនៃ ផត អូ ព្រីនស៍ ដែលអាចមើលឃើញនៅផ្ទៃខាងក្រោយ ។
រូបភាពដោយ ចាសុន ស្វីនសិន