សម្រាប់កុមារតូចៗ
ព្រះយេស៊ូវប្រទានពរដល់កុមារតូចៗ
ដកស្រង់ចេញពី ម៉ាកុស 10:13–16 ។
មានមនុស្សជាច្រើនបានរុំជុំវិញព្រះយេស៊ូវគ្រីស្ទ ។ ពួកគេចង់ស្ដាប់ទ្រង់និទានរឿង ។ ពួកគេចង់ស្ដាប់ទ្រង់បង្រៀនពីស្ថានសួគ៌ ។
នៅពេលមានមនុស្សឈឺ ព្រះយេស៊ូវបានព្យាបាលពួកគេ ។ ទ្រង់បានព្យាបាលមនុស្សខ្វាក់ ។ ទ្រង់បានព្យាបាលមនុស្សថ្លង់ ។
ថ្ងៃមួយ មានមនុស្សមួយចំនួនបាននាំកូនតូចរបស់ខ្លួនមកឯព្រះយេស៊ូវ ។ ពួកគេចង់ឲ្យទ្រង់ប្រសិទ្ធពរដល់កូនៗរបស់ពួកគេ ។ សិស្សទាំងឡាយរបស់ព្រះយេស៊ូវបានប្រាប់ដល់មនុស្សទាំងនោះថាកុំឲ្យរំខានព្រះយេស៊ូវឡើយ ។ ពួកគេបានគិតថាទ្រង់មានការរវល់ណាស់ ។
ព្រះយេស៊ូវមិនរវល់ពេកនោះទេ ។ ទ្រង់បានប្រាប់ពួកសិស្សឲ្យយកកុមារទាំងនោះមកជួបទ្រង់ ។ ទ្រង់បានមានបន្ទូលថា នគរស្ថានសួគ៌ជារបស់ផងមនុស្សដែល ដូចជាកុមារតូចៗ ។
ព្រះយេស៊ូវស្រឡាញ់កុមារទាំងអស់។ មិនថាអ្នកជានរណា អ្នកមានមុខមាត់បែបណា ឬអ្នកមកពីណានោះទេ ។ ព្រះយេស៊ូវស្រឡាញ់អ្នក !
រចនារូបភាព ដោយ ស្សនណា ជេ ស៊ី ថែននី