Ua poloaiina i tatou e le Alii ia tutulai ma susulu atu.
5 E moni Ou te fai atu ia te outou uma: Tutulai ia ma susulu atu, ina ia avea lo outou malamalama ma tagavai mo atunuu.
Ou te Fai Atu ia te Outou Uma
I le faaaliga lenei mai le 1838, na tuuina mai ai e le Alii ia faatonuga e uiga i le fausiaina o se malumalu i Sisifo Mamao, Misuri, faapea ai foi ma isi vaega o le faatuina o Siona. Sa Ia tuuina mai foi le igoa o Lana Ekalesia i aso e gata ai: O Le Ekalesia a Iesu Keriso o le Au Paia o Aso e Gata Ai. E ui o lenei faaaliga sa fofogaina atu i taitai o le Ekalesia i na vaitaimi, ae o le poloaiga ia “tutulai ia ma susulu atu” ua faatatau foi ia i tatou uma i aso nei.
Tutulai Ia ma Susulu Atu
Ata
Peresitene Dieter F. Uchtdorf
“O loo i ai se galuega maoae a le Alii mo outou taitoatasi e fai. ‘Tutulai ia ma susulu atu, ina ia avea lo outou malamalama ma tagavai mo atunuu’ (MF&F 115:5). Na te faatuatuaina outou, ma Na te valaauina ma faalagolago ia te outou e tutulai maualuga a’e ma susulu malamalama ae i nei aso luitauina ae matagofie.”
Peresitene Dieter F. Uchtdorf, Fesoasoani Lua i le Au Peresitene Sili, “Your Right to Choose the Right,” New Era, Aok. 2005, 8.
Lou Malamalama
E faapefea ona faasusulu atu lou malamalama? Mafaufau i manatu nei ma tusi i lalo nisi o ou lava manatu i lau api o talaaga.
Ia agalelei, lotofoai, ma lotomaulalo.
Tu atu mo, ma ola i tulaga faatonuina o le Ekalesia.
Ataata ma faaali atu le olioli o le ola ai i le talalelei.
Faasoa atu le talalelei i au uo.
Tuu atu lau molimau e uiga i le upu moni.
Tagavai
Tagavai—o se mea faitino, e masani lava o se fu’a, e tuu i le tumutumu o se pou ma faaaogaina o se vaega e faapotopoto ai po o se faailoga. Tagai i le Mataupu Faavae ma Feagaiga 45:9.
Ata
Elder Russell M. Nelson
“O e tauaveina tagavai e savavali i le pito i luma o se faamoemoega taua. E fai i latou ma sui o mea e lelei ma amiotonu. E masani ona latou tauaveina fu’a po o isi faailoga e faailoa ai le faasinomaga, faamoemoega, ma le lotogatasi. …
“I le avea ai ma tagata e tauaveina Lana tagavai, e tatau ona tatou fesoasoani i e loto faamaoni ia maua Iesu. Tatou te le faalealeaina ni fu’a. … Peitai, i le avea ai ma tagata e tauaveina tagavai mo Iesu le Keriso, tatou te tauaveina ma le lotomalie ma le agaga faafetai Lona suafa paia i o tatou luga. Tatou te auai i Lana galuega e ala i feagaiga.”
Elder Russell M. Nelson o le Korama a Aposetolo e Toasefululua, “Standards of the Lord’s Standard Bearers,” Ensign, Aok. 1991, 7.
Atunuu
Ata
Elder D. Todd Christofferson
“Ma o aso nei ua faapotopoto ai le nuu o le Alii ‘mai atunuu’ a o latou faapotopoto i aulotu ma siteki O Le Ekalesia a Iesu Keriso o le Au Paia o Aso e Gata Ai o loo taape i atunuu uma. … Ua fetalai mai le Alii ia fai i tatou ma faailoga o le amiotonu e taitaia ai i latou o loo sailia le saogalemu ma faamanuiaga o Siona.”
Elder D. Todd Christofferson o le Korama a Aposetolo e Toasefululua, “O Mai i Siona,”Liahona, Nov. 2008, 37.