Faamatalaga
O Se Meafaigaluega Mamana
Sa masani ona ou mauaina le Liahona, ae ina ua ou le toe toaga i le lotu, sa seāseā ai ona ou faitauina. I se tasi aso a o ou tapenaina se kapoti sa ou tau atu ai i nisi o kopi tuai lava. A o ou susueina ma matamata i ai, sa ou tosina atu i se tasi o tala. Sa faatatau i se uso o lē sa le toe toaga i le ekalesia mo ni nai tausaga ma sa le’i toe i ai sona faamoemoe e toe foi mai i le lotu. Ae sa tuuina atu e se epikopo musuia se valaauga ia te ia, ma sa ia lafoaia ai ona vaisu leaga ma toe foi mai. O lenei tala sa i ai sona aafiaga loloto ia te au—o le laasaga muamua lea i lo’u toe toaga mai. O lenei la, i ni nai tausaga mulimuli ane, o le Liahona o se meafaigaluega mamana i totonu o lo’u aiga. O fautuaga, taiala, ma molimau o loo i totonu o le mekasini e fesoasoani ia i matou i aso uma lava.
Moema Lima Salles Broedel, Pasila
Tala mo Tamaiti—ma Tagata Matutua
O a’u o se tina o se tamaitiiti laitiiti, ma o po uma a o lei momoe, ou te faitauina ai ia te ia ia tala mo tamaiti mai le Liahona. Ua avea foi ma se faamanuiaga mo au, aua ua ou aoao ai e uiga ia Iesu Keriso, le Perofeta o Iosefa Samita, faaaloalo, tatalo, ma le tele o isi mea. Ia faifai pea le galuega lelei!
Silvia Ruiz de Muñoz, Ekuatoa