Tingting
Hem I Tekemaot Ol Hevi Samting blong Yumi
Mi laekem tumas magasin ia mo evri samting we i stap insaed. Mi laekem ol atikol we oli kam long ol Jeneral Atoriti, speseli ol toktok blong konfrens. Oli givim instraksen long yumi mo stap leftemap tingting blong yumi blong muv i go fored, nomata long ol tes blong yumi.
Mi bin wan memba blong Jos blong 26 yia mo mi bin ridim evri namba blong magasin ia, Liahona. Plante taem, mi stap ridim ol namba we oli bin kamaot finis, mo wan atikol mi laekem tumas i, “The Tender Mercies of the Lord,” (Ol Kaen Sore mo Lav blong Lod) we i kam long Elda Deved A. Bedna (Mei 2005, 99). Hem i helpem mi blong tingbaot hamas taem we Papa long Heven i stap givhan wetem kaen sore mo lav blong Hem mo i stap tekemaot ol hevi samting we yumi stap tekem.
Iolanda Valenti, Itali
Ol Tijing we Oli Kam long Lod
Evri manis, mi talem tangkyu blong gat ol toktok blong ol profet we oli laef. Mi save se ol tijing blong olgeta oli kam long Lod mo bae i blesem laef blong mi sapos mi praktisim olgeta. Taem mi ridim ol eksperiens blong ol Sent raon long wol, i mekem mi fet mo testemoni blong mi oli kam strong moa from se mi lanem wanem we ol narafala oli stap mekem blong winim ol hevi samting we oli stap tekem.
Baeron Deved Kalderon Moskera, Ekuado