Tohi ki he ʻĒtitá
ʻOku Nau Fakahā ʻa e ʻOfa ʻa e Fakamoʻuí
Lolotonga hono ako ʻa e Pōpoaki ʻo e Kau Palesitenisī ʻUluakí, naʻa mau fakatokangaʻi ʻa e ngaahi fakakaukau fekauʻaki mo hono fakafeʻungaʻi e ngaahi akonakí ki he fānaú mo e toʻu tupú. ʻE tokoni ʻeni ki homau fāmilí pea mo e ngaahi fāmili ʻoku mau ʻaʻahi ki aí. ʻOku mau ʻiloʻi hoʻomou tukupā ke fakafaingofuaʻi, ke fakaʻaonga fakafoʻituitui, mo tolonga ʻa e ngaahi moʻoni ʻo e ongoongoleleí. Ko Palesiteni Monisoní ko e palōfita ia ʻa e ʻOtuá, pea ʻoku fakahā ʻe kinautolu ʻi he Kau Palesitenisī ʻUluakí ʻa e ʻofa ʻa e Fakamoʻuí ʻi heʻenau akoʻi mo lotua kitautolú. ʻOku tau ʻofaʻi mo lotua foki mo kinautolu.
Fāmili Tiasí, Palāsila
Ngaahi Pousitā Mahuʻingá
ʻOku mahuʻinga ʻaupito ki homau fāmilí ʻa e ngaahi pousitā ʻi he makasiní. ʻOku nau ʻomai ha pōpoaki nounou, mahinongofua mo ha fakatātā fekauʻaki mo e ngaahi akonaki ʻo e Siasí. Kuo mau tautau ha ʻesiaʻi tā ofi ki homau matapā ʻi muʻá, pea ʻoku mau fetongi ʻa e pousitaá hili ha ngaahi uike siʻi. ʻOku tokoniʻi heni kimautolu hono kotoa ke tauhi ʻa e ngaahi fekaú. Kuo mau paaki ʻa e pousitā kotoa pē mei he ʻInitanetí talu mei he 2001—ko ha tāpuaki moʻoni kinautolu kiate kimautolu. Mālō!
Fāmili Suosiuolotaá, Siamane