O La Tatou Itulau
Génesis M., 7 tausaga, Costa Rica
O fanau Peraimeri a le Paranesi Lua a Chennai, Itu a Bangalore i Initia, ma o latou taitai ao sauni mo la latou polokalama o le faamanatuga.
I se tasi aoauli sa ma taaalo ai ma lo’u uso laititi o Camilia ao moaina e lo’u tama le vao. Sa ma filifili e fesoasoani ia te ia. E ui lava i le vevela tele, ae sa matou fiafia i la matou galulue faatasi. Ina ua maea, sa matou o ma lo’u tama e faafoi le moavao i se olomatua matou te tuaoi. Ina ua matou taunuu atu i lona faitotoa, sa ofo atu lo’u tama na te moaina lona fanua. Sa ma filifili ma lo’u uso e fesoasoani ai foi. Ao ia moaina le vao, sa ma fu’eina le vao ma tuu i totonu o se taga. Ina ua maea, sa faapea mai lo matou tuaoi, “Faafetai tele lava, Sofia ma Camilia, mo le faamamaina o lo’u fanua. O oulua o ni teineiti lelei ma le alofa.” Ona ia tuu mai lea ia i ma’ua ni lole. Sa ma o i le fale ma le fiafia, e le faapea ona ua maua a ma lole ae ona sa ma auauna atu i lo matou tuaoi.
Sofia Carolina P., 9 tausaga, Atenitina
Ngoc Huyen D., 7 tausaga, mai Kemupotia, e fiafia i le tala ia Kapeteni Moronae ma le tagavai o le saolotoga (tagai Alema 46). E toaono ona tuagane ma ona uso, ma e fiafia tele o ia e taalo i paluni.
Ao ou laitiiti, e masani ona ma o i fafo e taaalo i taimi o malologa. A oo i le taimi e toe foi mai ai i totonu, matou te tutu i laina. I taimi uma lava ma te faia ai, ou te pese ai “Ou te Fia Vaai i le Malumalu” (Tusi Pese a Tamaiti, 99). I se tasi aso sa faapea mai se teineitiiti sa nofo i o’u autafa, “E ese le manaia o lau pese lea na usu. O fea e aumai ai?”
Sa ou tali atu, “E aumai i le Peraimeri. Ou te auai i Le Ekalesia a Iesu Keriso o le Au Paia o Aso e Gata Ai, ma e i ai lo’u faatuatua.” Ina ua mavae lena taimi, sa avea o ia ma sa’u uo mamae!
Noémi D., 12 tausaga, Farani
Tuan Anh P., 11 tausaga, Kemupotia
Lalo agavale: ata na saunia e Richard M. Romney; ogatotonu: ata na saunia e Avalone; taumatau: ata o le malumalu na tusia e Phyllis Luch, © 1988 IRI