Tingting
Ol Ansa long Ol Kwestin blong Mi
Mi mi glad tumas from gudfala magasin ia mo from ol testemoni, niufala infomesen, ol eksplenesen blong ol skripja, mo ol tul blong tijim ol lesen we oli stap insaed long hem. Plante taem, taem mi askem ol kwestin long Papa long Heven, Tabu Spirit i bin stap lidim mi i go long Liahona, mo long ples ia nao mi stap faenem ol ansa long ol kwestin blong mi. Mi stap kasem magasin ia wetem glad.
Evgenija Samaskaja, Rasia
Glad blong Faenem Liahona
Mi lavem Liahona, mo hasban blong mi mo mi i bin gat 5 sabskripsen finis long wan taem. Mifala i yusum ol ekstra magasin olsem ol presen long ol neiba blong mifala. Wan neiba i bin talem long mi se taem hem i kambak hom mo i harem nogud long wok, nao hem i glad blong faenem magasin ia long leta bokis blong hem. Mi save se evri samting we i stap insaed long magasin ia i kam tru long fasin we God i toktok long man—long ol mesej we i kam long Jeneral Atoriti kasem ol stori we i kam long ol memba—mo taem mi ridim, hem i givim save mo ol blesing long mi mo i helpem mi blong lavem mo andastanem ol narafala man.
Beta Viola Retis Espino, Meksiko