O Mai e Faalogo i le Siufofoga o se Perofeta
E Toa Fia Ni Tagata e Mafai Ona Tatou Fesoasoani i Ai?
Mai se saunoaga na tuuina atu i le Taumafataga a le Vaegatuufaatasi mo le Lumanai o Iuta, Taui mo Oloa Masani, Oke. 25, 2000.
Na saunoa Peresitene Monson e toatele tagata o le lalolagi o loo manaomia le fesoasoani. Fai mai a ia, e finagalo le Tama Faalelagi ia tatou matauina i latou ma vaai pe toafia i latou e mafai ona tatou fesoasoani atu i ai.
Ai ai ni o tatou mata e vaai ma taliga e faalogo ma loto e iloa ma lagona, o le a tatou iloa manaoga a o tatou uso a tagata o loo fetagisi mai mo se fesoasoani.
E faapefea ona latou aai—e aunoa ma ni meaai? E faapefea ona latou maua le mafanafana—e aunoa ma ni lavalava? e aunoa ma ni fale? E faapefea ona latou ola—e aunoa ma ni mea e faaaoga? E faapefea ona malolosi o latou mai—e aunoa ma ni fomai, vailaau faafomai, ma ni falemai?
Ou te talitonu a oo i le taimi tatou te fetaiai ai ma lo tatou Foafoa, o le a fesiligia i tatou, “E toa fia ni tagata na outou fesoasoani i ai?” ●