Me Yacova Ni da Sota Tale
Me da nanuma tiko na veika eda dau vakasalataki kina ka me na laurai tiko ena noda dui bula.
Meu tinia ga ena vosa oqo, kemuni na taciqu kei na ganequ, me mai sogoti kina na koniferedi cecere oqo. Sa totoka dina na sere, e veivakauqeti na veiqaqa ni masu, ka tara na noda bula na vosa kei na ivakadinadina, e laveta na yaloda, ka vakadeitaka noda vakabauta.
Ia me da lesu yani ki na noda dui vuvale kei na noda dui itavi, me da nanuma tiko na veika eda dau vakasalataki kina ka me na laurai tiko ena noda dui bula. Me yaco kina me da na tudei ka vorata na ivalavala ca. Me kua ni da guce ni qarava na itavi eda sa dui vakaitavitaki kina ena Lotu, ka me na kauta mai vei keda na marau kei na yalo vakacegu. Me da bula vata tiko vakaveiwatini, vakaveiluveni, ena yalo ni loloma, na caka vinaka kei na veirokorokovi.
Kemuni na taciqu kei na ganequ, me vakalougatataki kemuni na Kalou. Au sa vakadewataka koto yani oqo vei kemuni na noqu iloloma kei na noqu ivakadinadina kei na noqu veivakalougatataki kau masulaka me na tiko yadudua kei keda na Turaga me yacova ni da sota tale. Sa noqu masu malumalumu me nomuni na veivakalougatataki vakalomalagi, ena yaca tabu i Jisu Karisito, emeni.