Ripote ni Tabana ni Dikevi Fika ni Lotu, 2005
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e vakamacalataki ena ivakatakila ena wase 120 ni Vunau kei na Veiyalayalati, eratou na vakadonuya na Matabose ni Wasewasei ni iKatini na vakayagataki ni ilavo ni Lotu. Era lewena na matabose oqo na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa. Na matabose oqo e solia na veivakadonui ena ilavo vakarau ni veitabacakacaka ni Lotu kei na kena cakacaka. Ni ra sa ciqoma na veivakadonui ni matabose oqo, me ra na qai vakayagataka na veitabacakacaka ena Lotu na tuvailavo vakadonui me baleti ira, ia me sala vata kei na kena lawatu vata kei na kena iwalewale ena Lotu.
Sa soli ki na Tabana ni Dikevi Fika ni Lotu na veivakadonui me ra raica na ivolatukutuku kei na ivakarau ni cakacaka kece e ganita, me dikeva kina na matau ni kena lewai na ilavo eda ciqoma ka vakayagataka, na vakayagataki kei na taqomaki ni iyau ni Lotu. Na Tabana ni Dikevi Fika ni Lotu e tu vakataki koya mai na veitabacakacaka tale eso ni Lotu kei na veicakacaka kece, ia ko ira na kena vakailesilesi era daunifika raraba vakaivola, daudikevi ivola, daudikevi ivola vakomupiuta, kei ira tale eso na kenadau ena veika vakaivola sa tu vei ira na kila ka vakacakacaka.
Ni yavutaki ena dikevi ivola sa vakayacori, sa nanuma kina na Tabana ni Dikevi Fika ni Lotu, ena veika me baleta na iyauqaqa, na cau e ciqomi, na ilavo e vakayagataki, kei na iyaubula ni Lotu me baleta na yabaki 2005 sa vakaivolataki ka lewai me sala vata kei na ivakarau dodonu ni vakaivolataki ilavo, tuvailavo vakadonui, kei na kena lawatu kei na ivakarau ena Lotu.
Sa soli yani ena vakarokoroko,
Tabana ni Dikevi Fika ni Lotu
Robert W. Cantwell
Manidia Dairekita