Limpoak Mehlel mih nan Pilahn en Sahmo
Karepen padahng kan oh kosonned akan en nan Mwomwohdiso koapwurpwurdohu iei en kaunopada sapwelimen Koht serih kan ong komourla oh kesepwildahn mour soutik nan dake keieu laudo.
Pilahn en rongamwahuo wia padahk ehu duwen limpoak en Samatail Nanleng ong Sapwellime seri kan. Pwe en kak wewehki met, kitail anahne rapahki oh wewehkila Sapwellime pilahn oh Sapwellime kosonned akan. E poakohng Sapwellime seri kan me E kadaredohki Sapwelime Ieros, Sises Krais, en wia atail Sounkomour oh Soundor, en kalokolok oh pwoula pwehki kitail. Nan Mwomwodiso en Sises Krais En Souleng-En-Imwin-Rahn-Akan, kitail ahneki weweh tehieu duwen pilahn en Samatail Nanleng. Met e kiong kitail wehwe ehu duwen kahrepen mour wet, duwen kopwung laud me iangedo, oh lapalahn kilohri ong sapwelimen Koht seri kan koaros.
I poakepoakei kumwail, riei mwanakapw oh peinakapw akan koaros. I poakpoake sapwelimen Koht seri kan koaros. Ansou me Sises peidengki, “Mehnia kosonned me keieu laud nan kosonned akan?” E padahngki me poakohng Koht oh mehn impwomw kan iei me keieu kesempwal nan sapwelimen Koht kosonned akan.1 Kosonned kau me keieu pwehki re lukehiong kitail en keirda nan pali ngehn sang ni atail pahn rapahki en idahwen sapwellimen Koht limpoak ong kitail. I kasik kitail koaros en wewehki mwahu duwen padahk en limpoak kan oh kosonned akan me Samatail Nanleng oh Sapwellime Ieroso, Sises Krais, ketin kawada nan Mwomwodiso en Sises Krais en Souleng-En-Imwin-Rahn-Akan. Dahme i kosoia wasaht song en kawehsakada ia mwomwen Sapwellimen Koht limpoak ah kawehweieng kitail padahk kan oh kosonned akan en Mwomwohdisoh.
I.
Mehkot me aramas kin sohte nohn wehwehki me wia kadeik en nan mour wet me aramas mwahu pahn kohla wasahkis me adaniki nanleng oh aramas sued kan pahn kohla wasahkis me adanekind nan kisiniei. Mehkot laud wet duwen wasa riau me aramas pahn kohla ie koasoandier me irail akan me sohte kak kapwaiada kosonned akan me anahnepehiong nanleng udahn pahn kohla nan kisiniei.
Samatail nanleng sapwelimeniki pilahn mwahu ong sapwellime serih kan. Padahk me sansal nan mwomwohdiso kopwurpwurdohu padahngki me sapwellimen Koht seri kan koaros—me mweidperail tikitik—pahn ehu rahn lela nan wasa lingano.2 “Pere tohto mie nan tehnpas en Semei,”3 Sises padahngki. Sang nan kaudial kitail ese me pere tohtoko mihmi nan wei lingan siluh. Ni rahn en kadeiko emen emen kitail pahn kadeingki duwen atail wiewia oh ineng en atail mongiong kan.4 Mwohn mwo, kitail pahn kalokolongki dipatail me kitail sohte koluhkihla kan. Pwuhk sarawi kadehdehkieng kitail.5 Oh, atail soun kopwung pahn ketkieng kitail wasa me kitail pahn mih ie nan ehu ehu wehi linganako. Pil, kitail ese sang nan kaudiahl, koaros “pahn kadeikda, oh emen emen pahn ale kalokpen ah wiewia, pein ah wasa, nan pere tohto me kaunopdahu .”6
Kauno pilada pwe en ketin kasalehda ekiste duwen wei kaselel riau wet. Me pil sansal, Kauno ketin kasaleieng kitail pali laud en wasa keiou laudo en nan wei siluhko, me Pwuhk sarawi kin koasoia me marain duehte ketipin.”7
Nan “selestiel” kilohri8 mie wasa siluh de dakeh kan.9 Me keioun laud nan pwungerail iei ketket nan wei me keioun maraino, pwe kitail en kak duwehla Samatail nanleng oh Sapwellime Ieros, Sises Krais. Pwe en sewese kitail alehda sapwelimen Kauno kosondih kan oh wekidala atail mour pwe kitail en esehda atail pwukoah, Kauno kasalehda padahng kan oh ketkihda kosonned akan. Ih met me kitail kin padahngki nan Mwomwohdiso en Sises Krais en Souleng en Imwin Rahn akan pwe karepen padahng kan oh kosonned akan en nan mwomwohdiso kopwurpwurdohu pwe en kaunopada sapwelimen Koht serihkan ong nan komour en nan seletiel kilohri oh, me pil laud sang, kesepwilda nan dake keioun laudo.
Inou sarawih kan me wiawihda oh kapai en inou kan ong me kin podedieng nan tehnpas sarawi kan en Koht iei irail me kih. Met kin kawehwe duwen atail kin wiahda tehnpas sarawi kan wasa koaros pohn sampah, me pil atail pwihn en koul koulki ngkapwano. Ekei mwekid kihda duwen ire kesempwal wet, ni ahr sohte wehwehki me inou sarawi kan oh tiahk sarawih kan me wiawihda nan tehnpas sarawi iei me kin kaluwai kitail ong nan peren soutik. Met pahn kin kak sansaldahte nan ire kan me kasalehda mehlelo nan dake siluhme lingano. Pwehki Sapwelimen Kauno limpoak ong sapwelime serihkan, E ketin kaunopada wehi lingan kei, koaros me udahn kaselel sang dahme kitail kin medewe.10
Tomwpen Sises Krais kamengeihla sohng koaros. E kasalehda me E “kalinganahla Sahmo, oh kapitala doadoahk koaros ki lime.”11 Karehda komouro kak mihmi nan mwehi koaros ki lingan. Kitail ese sang ni kokohp en mahs ako me “wehi koaros mie kosonned kin wiawihda.”12 Audapan:
“Mehmen me sohte kak kapwaiada kosonned en nan wehin celestial pahn sohte kak alehdi lingan en celestial.
“Oh memehn me sohte kak kapwaiada kosonned akan en wehin terrestrial sohte kak iang alehdi lingan en terrestrial.
“Oh memen me sohte kak kapwaiada kosonned en wein telestial sohte kak alehdi lingan en telestial.13
De ni ehu kaweweh, wehin kilohri me kitail pahn alehdi ni Kaimwseklahn Kadeiko iei e pahn kohsang ni kosonned akan me kitail pilada en idawehn nan Sapwellimen Samatail Nanleng pilahno. Nan pilahno mie wasa tohto kei me Sapwelime seri kan kak pilipilda en kohla nan wasa me re pahn kak “mihmila ie.”
II.
Padahk kan oh kosonned akan en Sapwelimen Kauno Mwomwodiso me kopwurupwurdo kihong kitail pwung mehlelo ni mwohmw ehu me kak wehwe nan ire kan en pilahn en Samatail Nanleng ong koaros Sapwelime seri kan.
Eri, kitail kin wauneki an emen emen mehn pilipil. Tohto ese duwen Mwomwodiso ah ahneki doadoahk laud en kalaudehla saledek en kaudek. Mepwukat koaros wia kisehn kalaudehlan pilahn en Samatail Nanleng. Kitail kin rapahki en sewese koaros Sapwelime seri kan—kaidehn towe kan te—ahneki peren en saledek en pilipil.
Duwehte, kitail kin ekei pak kin peidengki dahme kitail kadarala ki diren misineri kan wasa tohto ie, mendahte ma pil nan pwungen tohto en souleng kei. Kitail pil kin peidengki dahme kitail kin kihda ki sawas laud ong aramas emen me sohte wia towe en Mwomwodiso ni atail sohte kin ehukiong misineri kan. Kitail wia mepwukat pwehki Kauno padahkiong kitail me koaros Sapwelime seri me iei riatail mwanakapw oh peinakapw kan, oh kitail men ehukiong irail atail doadoahk en palingehn oh paliwar ong koarusie.
Padahk pwung kan pil kin kihda wekpeseng en madamadau pohn seri kan. Nan madamadau wet kitail kilang tohtola oh oapwoalda en seri kan me wia kisehn pilahn lapo. Pwukoah kaperen oh sarawi ong irail akan me alehdi manaman en iang towe. Eri, kitail kosondier en padahngki oh kihwei mehlelko oh doadoahk pwe en kak kihda mwohmw me kaselel ong keirda oh peren en seri kan koaros nan pilahn en Koht.
III.
Mwuri, Mwomwodiso en Sises Krais en Souleng-en-Imwin-Rahn-Akan pil kin dehdeki Mwomwodios me poahsonki-peneinei. Ahpw met pil wewehki me nan momour wet atail peneinei sohte ididihte nan mour wet. Ehupene soutuk wia ahu koasondi kesempwal ong dahme kitail kamelele. Misin en Mwomwodiso me kapwurupwurdoht pwe en sewese seri en Koht akan en kak ahneki peren soutuk nan wehin celestial. Sang ni lapwadahn dihp me sang ni Tomwpen Krais, koaros pahn kak en alehdi mour soutuk (kesepwildahng nan wehin celestial), me Nohno Ihp kasalehda “Kauno ketiong koaros me peikiong.”14 Met inenen laudsang komour. President Russell M. Nelson katamankin kitail, “Nan pilahn en Koht, komour iei pwukoah ong emen emen aramas; [ahpw] peren soutuk iei pwukoah ong peneinei kan.”15
Atail poahson ong kitail iei sapwellimen Koht kaudiahl me kesepwildahn mour soutuk kak alahldiht sang ni mehlelieng inou sarawi kan en pwopwoud soutuk nan pwungen ohl emen oh lih emen.16 Pwung lap o iei kahrepen atail kin padahngki me “wie lih oh ohl wia mehkot kesem”17pwal ong emen emen, nan mour wet, oh mioa kahrepe me soutuk.”
Ih met me Kauno kupwuriki Sapwelime Mwomwodiso me kapwurupwurdo en uhwong pali kan oh pwung kan en sohla wia pwopwoud nan pwungen ohl oh lih, oh pil uhwong pali kan me kin kasaliel ih la aramas emen en wekidala ih ong ohl de lih.
Mwomwodiso me hneki pwukoah kei ong pali kesempwal akan oh uhwong mwekid pwukat. Se wewehki mepwukat. Sapwellimen Samatail Nanleng pilahn mweidada en mie “uhpenehn nan soahng koaros,”18 oh Sehdan pil uhwong soahng koaros me inenen kesempwal nan pilahno. Pwehki met, eh pil kin uhwong komour sang ni eh kin wiahda pingiping me pid kapwopwoud, liksang nainiki seri, oh ia mwomwen wia ohl oh lih. Ahpw, kitail ese nan tangatang reirei wet karepe wet oh pilahn en n Sahm Nanleng pahn sohte kak wekila ong mwekid me tohto kin wiewia de ineng kan. En emen emen kemwekid kan ka wekila, oh Sapwellime Koht pilahno kamehlelehieng kitail me nan ereihn ansouo, irail me pwoson kan me kolokol arail inou sarawih kan pahn kak ahniki ansou mwahu en iang alehda kapai en inou kan koaros.19
Padahk me inenen kesempwal pwe en sewese kitail kounopada ong mour kapw, “kisakis me keieu laud sang rehn Koht,”20 iei kalohk en [kid duwepwiki duweisek limau]1995 ong peneinei.21 Kalohk wet, udahn, wekisang kosonned teikan, doadoahnk kan, oh utuht en palingeder me duwehte irail pwopwou lih de ohl. Koaros me sohte nohn wewehki pilahn en Sahm ong Sapwelime seri kan mweihn pahn kak alehda kalohk en peneinei wet duwehte kosonned teikan me kak kin wekidekla. Nan kaimwsekla, Souleng-en-Imwin-Rahn-Akan tengetengki kalohk ong peneinei, dierek da pohn padahk sohte kak wekidekla kei, kawewehda , ehupene en peneinei me ahneki poahson me keieu kesempwal nan arail mour.
Met iei audepen padahk mehlel kan oh kosonned akan en Mwomwodiso en Sises Krais en Souleng-en -Imwin-Rahn-Akan.
IV.
Nan ehupene kan oh wiepe kan nan mour wet, atail mour kin wekipeseng. Ni atail wia soun papah Krais kei kitail anahne poakong koaros, kitail anahne ahneki meleilei ong irail akan me sohte kamelele dahme kitail kamelele. Kitail koaros wia seri en Sahm Nanleng. E ketin kosonedier mour mwurin mehla oh, pil iangahki wei lingan ong kitail koros. Koht kupwuriki kitail koaros en nantiong alehdi Sapwelime kapai me keieu laud sang ni kolokol Sapwelime kosonned me keieu laud akan, inou kan, oh tiahk sarawi kan, sohng koaros me kin wiawi nan Sapwelime tehnpas sarawi me kokoudahr nan sampah pwon. Kitail anahne rapahki oh ehukieng mehteikan duen mehlelo. Pwehki sang ni limpoak me kitail pweipwandki ong mehn impatail kan, kitail kin kapwaiada arail kosondih kan. Me emen Soukohp en Pwuhk en Mormon padahngki, kitail en nantiengete, ni atail pahn momourki limpoak en Koht oh aramas koros.”22
Ihme President Russell M. Nelson kosoia ni tiepene lap me nekiero, “Me sohte ansou iou ni poadoapoad en sampah me marainki atail sounkomouro is more personally vital and relevant to every human soul. … Padahk mehlel en Krais udahn kehlail. E kawekala mouren aramas koros me wehwehki oh rapahki pwe en kjak doadoak nan ah mour.23
Pwe kitail koaros en kak alehda padahk sarawio nan atail mour Ih kapakapki ni mwaren Sises Krais, amen.