Gadadra Sikengnograed
Biney a ningyal’ ni ngad ta’ermedliydad nge sikennog dad mar guyew fa’an ngad rin’ed urngin e tin ni ra fith en Somoel e Got rodad nira motochiyel nogdad.
Gube meybil nifan e ayuw ko fare Kan Thothup ni fan daed nap’an Gube weliy’ e laem nge thamtham rog ni bay yib nga laniyaen’ug ma gum’racha’ag nap’an e general mo’olung ney.
Fatin Gaa’fan ko Sikeng
Riliw’ e duw ou’moon kan pinninged ningu pigpig ko Galasia ni gubin yal’, Kug muruwel ko sensei ko university mug powiy’ aram. Muruwel rog ko sensei ningu ayuweg e student ningar fil urrogon ningar fil ni fan raed. Bin yangi gaa’ ko muruwel rog ningu fi’leg, grade nog, ma fulweg marung’agen e ngongol roraed ko sikeng. Sana gamad ma nang ufithik’ e susun romed, sikeng gathi bin ragba’adag e ban’en ko student.
Machane sikeng e yang nib t’uf ko fil rodaed. E sikeng nib fel’ ma ayuwegdaed ningad nanged e tin nib t’uf ningad nanged ko lowaen’ rodad ko ban’en; irra dag e yalen ningad nanged e fil nge ilal rodad.
Woed rogon, pi sikeng u lane fare skuul ko yafas e yaed t’uf ko thap rodad. Arragon, machane, fare thin sikeng dabki yoloey ta’areb e yay ulane fapi babyor nib thothup ko fapi standard work u thin nu Merikan. Machane, pi thin woed sikeng, guy, nge gay rogon kan duwgiliy ninge weliy’ e yalen e sikeng ko lowaen’ rodad ko tin yal’el marung’agen, e nang fan, nge liyoer rodad ngak Chitamangdaed nu Tharmiy nge kanawo’ nib manemus rok ko falflaen’ nge rayog rodad ningad gayed e taw’ath ko fare Bayul ro Tathapeg.
En nike yarmiy fare kanawo’ ko thap ke weliy’ e fan ko yafas u fayleng udakaen fapi thin ni sikeng, guy, nge gay rogon u bin kakrom nge bin be’ech a babyor nib thothup. “Ke yoeg Got ni yowra sikennog dad mar guyew fa’an ngad rin’ed urngin e tin ni ra fith en Somoel e Got rodad nira motochiyel nogdad.” 1
Mu lemnag ko biney e wenig rok David fare Psalmist:
“Fal’eg i yaliyeg nmag, O Somoel, mu pufthinnag e pi ar ar rog nge pi leam rog.
“Ya t’ufeg rom ni dabimus e ir e ma pow’iyeg; fanam yul’yul’ e gubin ningyal’ nma yal’uwegeg.” 2
Make yoeg Somoel u 1833, “Aramfan, damu tamra’ ko to’ogor rom, bachane Kug yoeg u gum’racha’aeg, ke yoeg Somoel, ni Gura sikengnigem ko urngin e ban’en, fa’an gara thamgiliy u michmicheg rog, mada’ ko yim’, fa’an ngan piry’egem ningam mat’aw.” 3
Sikeng nge Gay Rogon Daba’
Fare duw 2020 e ke gaa’fan, boech, ko e m’ar u fayleng ni ke sikengnog, guy, ma sikengnogdaed u bo’or e rogon. Gube meybil, gadad gubin ko gidii’ nge tabinaew ningad filed fa fil nib gaa’ puluwon fapi ban’en ni mus ninge fil udakaen e mom’aw. Gube athapeg ningad nang fan e tin “fel’ngin ku Got” nge tin riyul’ ninge “yibliynog e tin gafgow [rodad] ko fel [rodad].” 4
La’agruw e ban’en ra powiy’daed mag gelingdaed napan ningad gelnoged ko sikeng nge tin mom’aw u yafas rodad, demturug e rogom: (1) kenginn ko taermedliy, nge (2) e kenginn e maen nga somm’on u fithik e michaen’ ngak Kristus.
Sikengnog nge Taermedliy
Ko gachalpen rok Tathapeg, kan motochiyelnogdaed ningad “taermedliy urngin e ban’en nib t’uf; ngad yaermiyed e na’un, arragon e na’un ko meybil, e na’un ko balaynog abich, e na’un ko mich, e na’un ko fil, e na’un ko fel’ngin, e na’nu ko yalen, e na’un rok Got. 5
Kan micheg ngodaed, “fa’an ra fal’eg rogon, da mu rus.”
“Ninge yoeg ningam chuwgaed ko gelngin en to’ogor, ngan mukungaed’ ngog e gidii’ nib mat’aw, dariy’ e alit fa denen rorad. 6
Pi babyor nib thothup ney be weliy’ e dayif ko yarmiy nge taermedliy e yafas nge tabinaew rodad ko tin yafas nge tin ya’el. E rayog rodad ningad taermedliyed ko e tin mom’aw ko fayleng thingar fol e sasun ko Tathapeg, ni ke ngongoliy “gelnog ko lowaen’ nge yarma, nge gaa’ fel’ngin u poewchen Got nge mo’on” 7 —e tabolngin e lowaen’daed, gelingdaed, tin ya’el rodad, nge yarmiy daed ko gidii’.
Boech e pul u faram, Susan nge Gag kug matheg e gaan nge chugum ko magothgoth. Nap’an e ningyal’ nem, COVID-19 ke yaen nib papay, nge ke yib boech e deru’ ko tabinaew romoow u Utah. Kug muruwelgow nap’an ke tabab e mabgol romow ningu folgow e fanow ko profet marunga’agen e sikeng nib mom’aw, ere “nang fan” e rogmow ko taermedliymow nap’an e virus nge deru’ ni fel’ ningu rin’ew. Kugba’dag ningu nangew fan e grade romow ko pi sikeng ney.
Kug filew bo’or e ban’en. U bo’or e rogon, e muruwel romow ko taermedliy e ba fel’. U reb e rogon, machane, thingar ningu gay rogon bachan dabkug taermedliy u boech e rogon nib t’uf ni papay.
Kug minmin gow bo’or. Kug piry’egew, boech, e ban’en ulane kahol ni bay e gaan kug thap ko bo’or e duw. Ba riyul’, kug tam’ramow ningu bing mug guyew boech e gaan bachane kug tamra’mow ningu tabab reb e m’ar u fayleng! Machane gara falflaen’ ningam nang ni kug yin’ew binem e gaan nib kireb mug thapeg e fayleng.
Boech e chogin ko Galasia ba laemnag ni yarmiy nge gaan, kahol ko gaan, nge 72-awa kit ni dariy’ fan bachan fapi Walagen daworiy’ non’ed ngodad marunga’gen ko n’ew nap’an e general mo’olung. Machane chiylen kan oeged bo’or e yay ko fapi tiyugang’ ko Galasia. E fanow ko profet be yarmiy e nang fan nge koel chiya’ nib gaa’ lingan ko ta’reb e bee’.
Woed rogon e ningyal’ nib mom’aw ba upnguy e tin kireb ko taermedliy rodad, ere ta’abrogon fapi m’ar ko ya’el nge malmal ba gay tin kireb nap’an e sikeng nib almarin. Gadadba fil, woed rogon, ulane fan e thin ko ragag e rugod ni kar yin’ed yaran e taermedliyraed ke yaen nga kirebaen’. Mu puggurran ni lal’ e rugod nib balyang dar taermedliyed ko e sikeng nike pii’ fare figirngin nap’an e ran ko wub rok.
“Dar feked boch e gapgep ni talapen ki kem’ay e gapgep u magal rorad:
“Ma fa pi’in yad ba gonop e ra feked bogi ban’en ni kan suguy e gapgep ngay ngay chagiyed ko magal roraed. …
“Me arame yib ba pong ni lukngun e nep: “Ke yib fare mo’on ni ir e nge mabgol! Mired ngam mada’gad.”
“Me od fa ragag i rugod ngar ngongoliyed rogon e magal roraed.
“Miyaed ga’ar ngak e pi ppin nib llowan’, “Mpi’ed boch e gapgep romed ngomad, ya nge math e magal romed.”
“Me fulweg e fapi ppin ib llowan’ ni, “Ri dabiyag, ya dab da gaman gad riy. Mmarod nga kantin ngam chuw’iyed boch.”
“Ma nap’an ni chuw fapi ppin ni dar leam gaed, me taw fare mo’on ni ir e nge mabgol me un fare ppin nib llowan’ ngak “min ning e mab”
“Fini tabuch me taw fa tinem e ppin, meyadba non ne ba ga’ lungunrad ni be lungunrad, Somol, Somol mbing e mab ngomad.” 8
“Me fulweg far mo’on ni ir e nge mabgol ni ga’ar, Dagu nang med.” 9
Ko re sikeng ney, fare lal’ e rugod nib balyang kar daged i yaed ma rungaged machane dar folgaed e thin. 10
Bay reb e fagar rog ni ke salap ko student u law school. Nap’an e semster, Sam ke ngongoliy urngin e rran ko fil, weliy’, nge fil urngin e babyor ko urngin e class ni ke un. Ke fol e yalen ney ko urngin e class rok nap’an e bin tomur e week urngin e pul. E ngongoliy rok ni bing e wo’en ngak ninge fil e motochiyel dabki tafnay nang boech. Nap’an ke yib fa bin tomur e sikeng, Sam ke taermedliy. Arragon, ke piy’eg e bin tomur e sikeng rok dabki tamra’ riy’ ko school ko legal. Taermedliy nib fel’ bay yib u somm’on e gelnog.
Rogon rok Sam ko fil ko legal ba dag reb e rogon rok Somoel ko gelnog nge gaa’nog. Ya musap gaed, baʼaray rogon ni yoeg fare Somoel ni Got: Gura piiʼ ko gidiiʼ, ni bayilʼ nga dakean bayilʼ, nib yalen nga dakean yalen, ni buchʼuw aray nge buchʼuw aram; ma nge felʼ waʼathan e piʼin ni yaedra motoyil ko pi yalen rog, mar lʼiged telraed ko fonow rog, ya yaedra fil e gonop; ya enra fek, e kug ra piiʼ boech ngakʼ; ma piʼin nra gaʼar, Kug gaman gaed, e yira chuweg roraed e chuʼuw inʼen ni bay roraed.” 11
Gube pinningdad ningad “lemniged marunga’agen wo’en [rodad]” 12 ngad “lemniged [marunga’daed], fa’an [gadad] ba paer ulane mich; [nge] dag [rodad] rogdaed.” 13 Mang kug piry’eged nap’an fapi pul ney ko yafas nge chilyen? Mang boech e rogon ningad gelnog e yafas rodad ko tin ya’el, tin doweg, gidii’, thamtham, nge lowaen’. Biney a ningyal’ ni ngad ta’ermedliydad nge sikennog dad mar guyew fa’an ngad rin’ed urngin e tin ni ra fith en Somoel e Got rodad nira motochiyel nogdad.
Sikennog ngad Dared nga Somm’on
Kug un e funeral ko missionary nib fel’ yangren ni ke yim’ ko dol’. Fare papa’ ko re missionary ney ko non nap’an e mo’olung make weliy’ ufithik e kirebaen’ e kii’yag ke yib ko e bitir nib t’uf rok. Ke yoeg ni dabki nang fan e fan ko yam’. Machane Guma pug urran re mo’on nib fel’ ney ke yoeg Irma nang Got ma nang fapi fan ko yam’ ko bitir rok—nib fel’ ngak. Ke yoeg ngak fare mo’olung ir nge tabinaew rok, arragon kar kirebaen’raed, machane yaedra fel’ rogon; e m’ag roraed ba gelnog. Ke ning e welthin rok ko pi thin ney: “Gube a’dag ningam nang marunga’agen fare gospel ku Yesus Kristus, tabinaew rodaed ma michaen’daed ngak. Gadaed gubin ma michaen’daed ngak.”
Arragon e yam’ ko bee’ nib t’uf ra ning e kirebaen’ mab mom’aw e ban’en, fapi chongin e tabineaw ney kar taermedliyed ningar daged ni kar filed e milwol ko tin n’ew nap’an udakaen e gafgow. 14
Michaen’ gathi liliy fa fanaticsm. Machane, ngad pagaen’daed ngak Yesus Kristus Tathapegdaed, udakaen e Fithingang Rok, nge pi michmicheg Rok. Nap’an ngad dared “nga somm’on udakaen e michaen’ nib gel ngak Kristus, udakaen athep ni dabi waer, t’ufeg ngak Got ma gubing e gidii’,”” 15 ra yoeg e tawa’ath ngodaed ko e nang fan ko tin manemus nge lik’ay ningad yaen nib palog ko rayog rodad u yafas. Ra bing e wo’en ngoadad ningad “mukungaed uta’abang, ngad sakiy’gaed u tafen nib thothup” 16 dad “mitmitgaed, mada’ ko erran ko Somoel nibay yib.” 17
Nap’an Kug pigpig ko president ko Brigham Young University–Idaho, Elder Jeffrey R. Holland ke yib nga campus u December 1998 ninge pii’ e welthin nap’an e devotional romaed. Susan nge Gag kug pinning boech ulungi student ningar mada’nag Elder Holland ou’moon e welthin rok. Nap’an kug fini ning, Kug fith ngak Elder Holland, “Fa’an rayog ningam fil ta’areb e ban’en ngak pi student ney, mang gara fil?
Ke fulweg:
“Gadadba guy e gaa’nag ko cham. Me’leg uthilin e kanawo’ ran chuweg ko Gidii’en Got ko Tin Tomur e Rran. Ran thang e luulukngun ko kanawo’.
“Fa’an gara faffael u raen ko lul’, ragam maen ningan binaw. Ngam maen ngan e mdai ra fekem. Man fol e rogon e raen, fol e mdai, maen ni dariy’ fan.
“Thingar ningan tay e me’leg. Damu tay e me’leg i’ir e me’leg. Fil ningam me’leg chiney.
Fapi thin ku Elder Holland marungag’en e cham me yib ke yoeg tin riyul’ ko thilyeg ko yaleng nge ban’en ko fayleng ko 22 e duw nap’an ke fulweg re duwer nem. Ke yoeg e tathogthog marung’agen e kii’yag ko rogon Somoel nge rogon e fayleng, Elder Holland ke ning chilyen u tiney e rran marunga’gen ta’aren e rifrif u Galasia kan sulweg nge reb e rifrif u fayleng nibe thang nib papay. Re tapigpig rok Somoel ney ke gay fel’ laniyaen’ e gidii’ nib fel’ yangren ningar me’leged, taermedliyed, mar manged e gachalpen nib michaen’ ngak Kristus. Irma ayuwegraed ningar taermedliyed ngar ranoed nga somm’on udakaen e sikeng, guy, nge tin mom’aw ko yafas roraed.
M’ag nge Mich
Kug nang fapi lumel I’ir biyang ko fare dugiliy ko Chitimangdad nu Tharmiy ni fan ngodad. Gube micheg ni nap’an ngad taermedliyed ngad dared nga somm’on ufithik e michaen’ ngak Tathapeg, rayoged ningad thapeged ta’abrogon e grade ko e bin thabi gaa’fan e siken ko yafas ney: “Kam cheg, i gur e fel’ nge michaen’ e tapigpig: kam miachaen’ ko boech e ban’en, Ere gura fi’leg em ningam suwer ko bo’or e ban’en: maen ulnagin e falflaen’ rok Somoel.” 18
Gube micheg ni Got ni Chitimangiy e ba fas ma gab tu’uf Rok. Ni Yesus e ir fare Kristus ir facha’ ni Ma’agirag nib Fos ma Ir fare Tathapeg nge Tabayul rog. Gu be micheg e ren’ey u dakan fithngan Somoel nib Thothup Yesus Kristus, amen.