“Lotu ʻa ʻĪnosí,” Kaumeʻá, ʻEpeleli 2024, 26–27.
Ngaahi Talanoa mei he Folofolá
Lotu ʻa ʻĪnosí
Tā fakatātā ʻa Andrew Bosley
Naʻe ʻalu ʻa ʻĪnosi ʻi he feituʻu maomaonganoá ke tuli manu ke maʻu ha meʻakai. Lolotonga ʻene ʻi aí, naʻá ne fakakaukau ki he meʻa naʻe akoʻi ange ʻe heʻene tamai ko Sēkopé fekauʻaki mo e moʻui taʻengatá.
Naʻe tūʻulutui ʻa ʻĪnosi ʻo lotu ki he Tamai Hēvaní. Naʻá ne lotu ʻi he ʻahó kakato ʻo aʻu ki he poʻulí.
Naʻe fanongo ʻa ʻĪnosi ki he leʻo ʻo e Tamai Hēvaní. Naʻá Ne folofola kia ʻĪnosi kuo fakamolemoleʻi ʻene ngaahi angahalá. Naʻe ongoʻi ʻe ʻĪnosi kuo mole atu ʻene ongoʻi halaiá. Naʻá ne ʻeke pe ʻoku founga fēfē ʻene hokó. Naʻe folofola ange ʻa e Tamai Hēvaní naʻe tupu ia mei heʻene tui kia Sīsū Kalaisí.
Naʻe hoko atu pē ʻa e lotu ʻa ʻĪnosí. Naʻá ne lotua hono kakaí. Naʻe aʻu pē ʻo ne lotua hono ngaahi filí. Naʻá ne kole ki he Tamai Hēvaní ke maluʻi ʻa e ngaahi folofolá. Naʻe tali ʻa ʻene ngaahi lotú koeʻuhí ko ʻene tuí.