Mālō e Lelei mei ʻAilani Tokelau!

Ako fekauʻaki mo e fānau ʻa e Tamai Hēvaní ʻi he funga ʻo e māmaní.

Ko ʻAilani Tokelaú ko ha konga ia ʻo e Puleʻanga Fakatahatahá (UK). ʻOku tuʻu ia ʻi he motu ʻoku faʻa ui ko e Kiʻi Motu ʻEmalatá (Emerald Isle) he ʻoku fuʻu lanu mata! ʻOku meimei ko ha kakai ʻe toko 2 miliona ʻoku nau nofo ʻi aí.

Fuofua Kau Faifekaú

Ongo faifekaú mo ha manafa matalaʻiʻakau vao

Ko ʻAilani Tokelau ko e taha ia ʻo e ngaahi feituʻu mavahe mei USA naʻe fuofua ʻaʻahi ki ai ʻa e kau faifekaú.

Sipotí

Kau tangata ʻoku vaʻinga ʻakapulu

Ko e ʻakapulú ko ha sipoti manakoa ia ʻi ʻAilani Tokelau. ʻOku fai ia ʻaki haʻo lele mo ha foʻi pulu fuololoa ʻo tataʻo ʻi he kolo ʻo e timi ʻe tahá.

Mūsiká

Meʻaifi fuluta mo ha tangata tā vaiolini ʻoku ofi ki he fanga hōsí

ʻOku faʻa kau ʻi he hiva tukufakaholo ʻa ʻAilaní ʻa e meʻalea hangē ko e vaioliní, fulutá, mo e penisioó. Te ke lava ʻo fanongo ki hono tā holo ia ʻi he motú, ka ʻoku toe manakoa foki mo e mūsika faka-ʻAilaní ʻi he funga ʻo e māmaní!

Lea Fakafonuá

Makasini Kaumeʻá ʻi he lea faka-Pilitāniá

Ko e lea faka-Pilitāniá ʻa e lea fakafonua angamaheni taha ʻi ʻAilani Tokelaú. ʻOku toe mahuʻinga foki ai mo e Gaeilge (Irish) mo e Ulster Scots. Ko e Gaeilge ko e taha ia ʻo e ngaahi lea fakafonua motuʻa taha ʻi he māmaní!

Dia duit!

ʻOku ʻuhinga ia ki he “ʻaho lelei” ʻi he lea Gaeilge!

ʻEkitivitī

Ngaahi Hingoa faka-ʻAilaní

ʻOku fakahaaʻi ʻe he ngaahi hingoa fakaiku ʻi he lea faka-ʻAilaní ʻa e kakai ʻokú ke kāinga mo iá. Ko e hā nai ho hingoa fakaikú? Tohi ʻi he konga ʻoku ʻataá!

Hangē ko ʻení: ʻE tohi ʻe he foha ʻo ha taha ko hono hingoá ko Huka ʻa e “MacHuka” ʻi he laine ʻuluakí.

Tamaiki Tangatá: Mac ________
(hingoa hoʻo tamaí)
PE Ó ____
(hingoa hoʻo kuitangatá)

Tamaiki Fefiné: Nic ________
(hingoa hoʻo tamaí)
PE Ní ___
(hingoa hoʻo kuitangatá)

Founga Feimeʻatokoní

Boxty

Laʻikeke pateta

ʻAhiʻahiʻi ʻa e faʻahinga keke pateta faka-ʻAilani ko ʻení!

1. Heu ha ipu pateta ʻe 1 1/2 kuo ʻosi tama mo e ipu pateta ʻe 1 kuo ʻosi laiki (mashed) ʻi ha poulu. Heu fakataha ki ai ha ipu mahoaʻa ʻe 1 mo ha 1/2 sēpuni tī māsima.

2. ʻI ha poulu kehe, tā ai ha fuaʻimoa ʻe 1 mo e sēpuni (tablespoon) huʻakau ʻe 1. Lingi ia ki he patetá pea heu fakataha.

3. Haka ʻa e lolo feimeʻatokoní pe patá ʻi ha fakapaku. Ohu ha sēpuni fonu ʻo e meʻa naʻe heu fakatahá ki he fakapakú. Fakapaku ai ʻi ha miniti ʻe 3 ki he 4 ʻi he tafaʻaki takitaha. Fai ʻa e meʻa tatau ki he laʻikeke takitaha.

Fakapapauʻi ʻoku tokoni atu ha taha lahi!

Talanoa ʻi he PDF

ʻŪ tā fakatātā ʻa Hector Borlasca