“Ko e Talanoa ʻo e ʻAkau ʻŌlivé,”Kaumeʻá, ʻEpeleli 2024, 24–25.
Ako fekauʻaki mo e Tohi ʻa Molomoná
Ko e Talanoa ʻo e ʻAkau ʻŌlivé
Naʻe fai ʻe he palōfita ko Sēkopé ha talanoa fekauʻaki mo e pule ʻo ha ngoue ʻōlive mo ʻene kau tamaioʻeikí. Naʻa nau tauhi ʻa e ʻuluʻakaú. Naʻa nau toʻo ʻa e fua naʻe koví pea tānaki atu ha ʻū vaʻa foʻou ke tokoni ke tupu mālohi ange ʻa e ʻulu ōlivé. Naʻa nau tauhi ʻa e ʻuluʻakaú ke tokoni ke tupu lelei.
ʻI hoʻo lau ʻa e talanoa ʻi he Sēkope 5, kumi ʻa e ngaahi meʻá ni:
Naʻe tauhi ʻe he pule ʻo e ngoue vainé ʻa e ʻulu ʻōlivé he naʻa nau mahuʻinga kiate ia.
ʻOku tatau ʻa e ʻulu ʻōlivé mo e ngaahi vaʻá mo e kakai ʻa e ʻEikí. Naʻe tokoni ʻa e kau tamaioʻeikí ki he pule ʻo e ngoué ke tauhi ʻa e ʻuluʻakaú.
ʻOku ʻuhinga hono fakahokó ki hono tānaki atu ha ngaahi vaʻa foʻou mo moʻui lelei ke toe mālohi ange ai ʻa e ʻulu ʻōlivé.
ʻOku ʻuhinga ʻa e ʻauhaní ki hono tuʻusi ʻo e fua mo e ngaahi vaʻa ʻoku koví.
Hangē ko hono tauhi ʻe he pulé ʻa e ngaahi fuʻu ʻōlivé pea tokoni ki ai ʻa e kau tamaioʻeikí, ʻoku pehē pē hono tauhi kitautolu ʻe Sīsū Kalaisi pea tokoni ki ai ʻa e kau palōfitá mo e kau takí.
Tukupā ʻo e Folofolá
-
Ko hai ʻoku lea ki ai ʻa Sēkope ʻi he Sēkope 3:1?
-
Ko hai ʻa e palōfita ʻoku lea ʻaki ʻe Sēkope ʻi he Sēkope 5?
-
Naʻe ʻiloʻi ʻe ʻĪnosi he ʻikai ke lava ʻa e ʻOtuá ʻo hā? (ʻĪnosi 1:6)
ʻOku Ou Lava ʻo Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.
-
Uike 1: Sēkope 3:1
-
Uike 2: Sēkope 6:11
-
Uike 3: ʻAmenai 1:26
-
Uike 4: Mōsaia 2:22
ʻŪ tā fakatātā ʻa Bryan Beach