Hello mula sa Northern Ireland!

Alamin ang tungkol sa mga anak ng Ama sa Langit sa buong mundo.

Ang Northern Ireland ay bahagi ng United Kingdom. Ito ay nasa isang isla na kung minsa’y tinatawag na Emerald Isle dahil berdeng-berde ito! Halos 2 milyong tao ang naninirahan doon.

Mga Unang Missionary

Mga missionary at bukirin ng mga ligaw na bulaklak

Ang Northern Ireland ay isa sa mga unang lugar na binisita ng mga missionary sa labas ng USA.

Isports

mga lalaking naglalaro ng rugby

Ang Rugby ay isang popular na isport sa Northern Ireland. Nilalaro ito sa pamamagitan ng pagtakbo habang hawak ang isang bolang hugis-itlog at pag-touch down nito sa goal area ng kalabang team.

Musika

Recorder at lalaking tumutugtog ng biyolin sa tabi ng mga kabayo

Ang tradisyonal na musikang Irish ay kadalasang may kasamang mga biyolin, plauta, at banjo. Maririnig mong tinutugtog ito sa buong isla, pero popular din ang musikang Irish sa buong mundo!

Wika

Magasing Kaibigan sa Ingles

Ingles ang pinaka-karaniwang wika sa Northern Ireland. Mahalaga rin doon ang Gaeilge (Irish) at Ulster Scots. Ang Gaeilge ay isa sa mga pinakamatatandang wika sa mundo!

Dia duit!

Ang ibig sabihin niyan ay “magandang araw” sa Gaeilge!

Aktibidad

Mga Pangalang Irish

Ipinakita ng mga apelyido sa makalumang Irish kung kanino ka may kaugnayan. Ano ang magiging apelyido mo? Isulat sa patlang!

Halimbawa: Ang anak ng taong nagngangalang Hugh ay isusulat ang “MacHugh” sa unang linya.

Mga batang Lalaki: Mac _______
(pangalan ng iyong ama)
O kaya’y Ó ______
(pangalan ng iyong lolo)

Mga batang babae: Nic _______
(pangalan ng iyong ama)
O kaya’y Ní ______
(pangalan ng iyong lolo)

Resipe

Boxty

Mga potato pancake

Subukan ang bersyong ito ng mga Irish potato pancake!

1. Paghaluin ang 1 1/2 tasa ng ginadgad na patatas at 1 tasa ng mashed potatoes sa isang mangkok. Ihalo rito ang 1 tasang harina at 1/2 kutsaritang asin.

2. Sa isang hiwalay na mangkok, magbati ng 1 itlog at 1 kutsarang gatas. Ibuhos ito sa patatas at haluin.

3. Painitin ang mantika o mantikilya sa isang kawali. Maglagay ng isang kutsara ng mix sa kawali. Lutuin sa loob ng 3 hanggang 4 na minuto sa magkabilang panig. Ulitin ito sa bawat pancake.

Siguraduhing magpatulong sa isang adult!

PDF ng Kuwento

Mga larawang-guhit ni Hector Borlasca