“?Aesea I Huia?” Fren, Maj 2024, 24–25.
Lanem abaot Buk blong Momon
?Aesea I Huia?
Insaed long Buk blong Momon, yumi ridim ol toktok blong wan man nem blong hem Aesea. Aesea i wan profet blong OlTesteman. Hem i bin laef longtaem bifo Jisas Kraes i bin bon i kam long wol ia.
Aesea i bin tij abaot laef blong Jisas Kraes. Hem i bin talem se Jisas bae i tekem pis i kam long wol. Hem i tijim se Jisas bae i ded, bae Hem i laef bakegen long ded mo kambak long wol bakegen sam dei.
Handred yia i pas, Nifae i bin raetem ol toktok blong Aesea insaed long Buk blong Momon blong tijim yumi abaot Jisas Kraes. Taem we Jisas i bin visitim Ol Man blong Nifae, Hem i serem ol toktok blong Aesea. Hem i askem yumi blong stadi long olgeta. Taem yumi stadi long toktok blong Aesea, yumi save filim lav blong Sevya mo kam moa kolosap long Hem.
Skripja Jalenj
-
Ridim 2 Nifae 19:6. ?Hamas nem blong Jisas i stap insaed long ves ia?
-
?Wanem animol nao i kamkamaot blong soem se Tabu Spirit i bin stap long taem we Sevya i bin baptaes? Hint: 2 Nifae 31:8
-
Huia nao bae i laef bakegen long ded? Hint: Alma 11:44
Mi Save Ridim Buk blong Momon
Afta we yu ridim, kalarem pat blong pikja. Yu save ridim ol skripja ia we i go wetem riding blong evri wik long Kam Folem Mi:
-
Wik 1: 2 Nifae 11:2
-
Wik 2: 2 Nifae 24:3
-
Wik 3: 2 Nifae 26:23–24
-
Wik 4: 2 Nifae 32:5
-
Wik 5: 2 Nifae 9:13
Ol pikja droing oli kam long Ben Simonsen