“Stap Folem Jisas long Papua Niu Gini,” Fren, Maj 2024, 6–7.
Stap Folem Jisas long Papua Niu Gini
Abaot Erwin
Yia: 7
I Kam long: Sentrol Provins, Papua Niu Gini
Ol Lanwis: Inglis mo Tok Pisin
Ol Gol: 1) Draevem wan plen. 2) Kam wan misinari.
Ol samting we hem i laekem blong mekem long ol fri taem blong hem: Danis mo go fising
Famli: Mama, papa, tri bigfala brata mo wan bigfala sista
Olsem Wanem Nao Erwin i Stap Folem Jisas
Erwin i helpem Jisas taem hem i stap helpem ol olfala pipol long taon blong hem. Hem i stap help blong klinim ol yad mo tekem kaekae i kam long olgeta. “Mi stap hapi taem mi helpem olgeta. Mi wantem blong help moa,” hem i talem.
Erwin i folem Jisas tu taem hem i stap prea long Papa long Heven. “Taem mi prea, mi filim olsem se God i stap wetem mi,” hem i talem.
Erwin i prea blong askem Papa long Heven blong helpem famli blong hem blong stap tugeta blong oltaem. Erwin mo famli blong hem oli go long tempol long Tonga blong sil olsem wan famli. Hem i talem, “Mi filim Spirit insaed long tempol. I gat pis i stap mo ples i kwaet.”
Ol Fevret Samting blong Erwin
Buk blong Momon stori: Taem Nifae i bildim wan sip (luk long 1 Nifae 17–18)
Famli tradisen: Karem i kam tugeta evri famli long vilej blong kakae tugeta
Frut: Apol
Kala: Red
Praemeri singsing: “Mi Pikinini blong God” (STSP, 58)
Erwin mo famli blong hem long Nuku’alofa Tonga Tempol.
Pikja droing i kam long Mina Price