Eja, Më Ndiq: Veprimtaritë

Për mbrëmjen e shtëpisë ose studimin e shkrimeve të shenjta – ose thjesht për argëtim!

1–7 Janar

Dëshmia Jote

Alt text

Ilustrimet nga Katy Dockrill

Për Faqet e Parathënies së Librit të Mormonit

Libri i Mormonit, në fillim, ishte i shkruar në fletë ari. Njerëzit që i panë fletët, shkruan se e dinin që ai ishte i vërtetë (shih te Dëshmia e Tre Dëshmitarëve dhe Dëshmia e Tetë Dëshmitarëve). Shkruaje ose vizatoje dëshminë tënde vetjake për Librin e Mormonit dhe vendose në shkrimet e tua të shenjta.

Për fëmijët më të vegjël: Ndërtoni një kullë së bashku. Flitni për atë se si e ndërtojmë dëshminë tonë për Atin Qiellor dhe Jezu Krishtin hap pas hapi.

8–14 Janar

Shpërndarja e Thesarit

alt text

Për kapitujt te 1 Nefi 1–5

Shkrimet e shenjta janë një thesar i madh (shih te 1 Nefi 5:21). Vizato në letër disa forma gurësh të çmuar dhe priti ato. Kërkoji çdo personi të shkruajë një shkrim të shenjtë nga Libri i Mormonit te gurët e çmuar. Përzieji gurët e çmuar dhe me radhë zgjidheni njërin dhe lexojeni secilin shkrim të shenjtë.

Për fëmijët më të vegjël: Bëni një veprimtari “Paraqit dhe Trego” me lojërat ose librat e parapëlqyer të të vegjëlve tuaj. U thoni se ata mund t’i bëjnë shkrimet e shenjta një nga gjërat e tyre të parapëlqyera duke i dëgjuar ato dhe duke mësuar historitë.

15–21 Janar

Fletë të Qarta dhe të Çmueshme

alt text

Për kapitujt te 1 Nefi 6–10

Zoti i tha Nefit të bënte një grup tjetër fletësh për një qëllim të veçantë e të urtë (shih te 1 Nefi 9). Bëje vetë grupin tënd të fletëve me letra ose me copa kartoni të mbështjella. (Mund ta mbështjellësh letrën ose copën tënde të kartonit me letër alumini!) Shkruaj ose vizato atë që mëson nga Libri i Mormonit në fletët e tua.

Për fëmijët më të vegjël: Këndoni këngën “Guximi i Nefit” në faqen 13. Sa herë që këndoni fjalët “shkoj” ose “bëj”, hidhuni pupthi!

22–28 Janar

Dashuria e Perëndisë

alt text

Për kapitujt te 1 Nefi 11–15

Lexoje historinë e shkrimit të shenjtë rreth ëndrrës së Lehit në faqen 26. Tani vizato një pemë. I thoni çdo pjesëtari të familjes të shtojë një gjethe te pema dhe të thotë një gjë që Ati Qiellor na ka dhënë që tregon se Ai na do.

Për fëmijët më të vegjël: Dashuria e Atit Qiellor është si një dritë në errësirë. Fikini dritat dhe vendosni një dritë të vogël në njërin skaj të dhomës. Ecni drejt saj me të vegjlit tuaj.