?Wanem Oli Ol Tempol?

Ol pikja droing oli kam long Bailey Rees

Ol tempol oli ol naesfala bilding we yumi save filim moa kolosap long Papa long Heven mo Jisas Kraes, taem yu stap long hem. Wanwan tempol i gat ol toktok ia “Haos blong Lod” we oli raetem long hem. Hemia i rimaenem yumi se tempol hem i tabu mo i defren long evri nara samting long wol. Ol profet oli bin promesem se yumi save filim pis insaed long tempol.

Bankgok Tailan Tempol

Hemia i fas tempol long Thailand.
Hem i gat sikis floa i go antap, wetem naen spaea.
Taem oli stap bildim tempol, wan strong win mo ren i bin fulumap tempol wetem wota. Be Tabu Spirit i bin helpem projek lida blong save wanem blong mekem.

San Jose Kosta Rika Tempol

Hemia i nambatu tempol we oli bildim long Sentrol Amerika.
Oli mekem wetem naesfala waet saen ston blong Meksiko.
Tempol i stap long wan ples we bae yu ron wan aoa long trak blong kasem wan laef volkeno.