“Stap Fogiv Olsem Nifae,” Fren, Jenuware 2024, 4–5.
Stap Fogiv Olsem Nifae
Aisea i no wantem gohed blong stap kros long Josh blong oltaem.
Stori ia i hapen long YSA.
Aisea i ron mo kikim balong i go long Timothy we i fren blong hem long tim blong hem. Hem i wajem Timothy i sakem leg blong hem i gobak biaen mo i kikim balong i go insaed long gol.
“!Poen!” Timothy i singaot taem balong i fas long net.
Aisea i singsingaot. !Oli winim gem!
Taem hem i wokbaot i kamaot long fil, !hem i filim gud tumas! Be afta wan long ol pikinini long nara tim, Josh, i singaot wan nogud nem long hem.
Aisea i filim sapraes mo i harem nogud. Hem i no save wanem blong talem. Hem i lukluk daon long graon mo wokbaot slo i go long ol fren blong hem.
“!Yumi winim!” Timothy i talem. “Gudfala pas, Aisea.”
Be Aisea i nomo filim gud tumas. !I no afta wanem Josh i bin talem long hem! Hem i filim kros mo no hapi.
Long ful dei ia, Aisea i filim olsem se wan hevi weit i stap pulum hem i go daon. Hem i nomo laekem Josh.
Long naet ia, Aisea i sidaon wetem famli blong hem long taem blong skripja. Hem i traem blong lisin long sista blong hem i rid. Be hem i no save stop blong tingbaot wanem we Josh i bin talem.
Aisea i lukluk tru long ol pej blong Buk blong Momon blong hem. Hem i stop long wan skripja long 1 Nifae. Hem i abaot wan taem we ol brata blong Nifae oli no bin kaen long hem.
“Mo i bin hapen se mi fogivim gud tufala,” skripja i talem.*
?Nifae i fogivim ol brata blong hem? Aisea i tingting. ?Nomata we oli mekem nogud tumas long hem?
Aisea i tingbaot Josh. Hem i no wantem holemtaet ol nogud filing ia blong hem from Josh blong oltaem. !Hem i gat 10 yia nomo!
Aisea i wantem blong stap olsem Nifae. Hem i save fogivim Josh, semmak olsem we Nifae i bin fogivim ol brata blong hem. Mo sapos Josh i talem wan nogud samting bakegen, bae hem i askem Josh blong no mekem olsem.
Hem i filim wom mo pis insaed long hem. Hem i olsem we Tabu Spirit i stap talem, “Yu stap mekem stret samting.”
“?Aisea, wanem nao yu bin lanem aot long ol skripja ia?” Mama i askem.
Aisea i lukluk i kam antap. “Sori, mi stap ridim wan defren skripja,” hem i talem. Hem i talem wanem i bin hapen long futbol, wetem famli blong hem.
Mama mo Papa i haggem Aisea. “Mi sori we Josh no bin naes long yu,” Papa i talem. “Wanem we hem i talem i no tru. Be hem i Oraet blong filim nogud long hem.”
Aisea i smael. “Tangkyu. Blong wan smol taem, mi bin kros tumas. Be naoia we mi ridim ol skripja, mi nomo wantem kros long hem. Mi wantem blong fogivim hem. !Mo mi filim moa gud finis!”
“!Hemia i gud tumas!” Mama i smael tu. “Blong stap fogiv i no isi oltaem. Be yu tru. Hem i stret blong mekem.”
Aisea i lukluk daon long ol skripja blong hem. !Oli bin helpem hem! Hevi weit we i bin stap i nomo gat. Hat blong hem i wom insaed mo i fulap long pis.
Ol pikja droing oli kam long Alyssa Tallent