Rogoca na Yalo Tabu

Mai vei Rowen B., yabaki 9, Oregon, Amerika

Rowen B.

Alt text

Droini mai vei Xavier Bonet

Ena vula i katakata sa oti, keitou a taubale vakamatavuvale. A basika na sala ki na dua na uciwai. O tuakaqu yalewa, o ganequ gone, kei au keitou a luvata na neitoui vava ka lako yani e loma ni wai.

Ni sa tekivu me sivia vakalailai na duruqu na wai keitou a tuvakadua. Keitou a raica e dua na ilawalawa gone qase cake ni ra qito tiko ena wai titobu mai liu. E matadredredre o tuakaqu ka kaya, “E dodonu me datou toso yaki kina vanua titobu!”

Ia e dua na domo ena noqu vakasama a tukuna vei au meu tiko mai kei ganequ gone. Au kila ni oya na Yalo Tabu. Au a tukuna vei tuakaqu ni rawa ni laki raica mada, ia keirau na tiko vata mai kei ganequ gone.

Ni lesu tale mai o tuakaqu, a kaya ni voravora sara na wai ka dredre na taubale kina. Na gauna e tukuna kina, Au kila niu a cakava na digidigi dodonu me keirau taqomaki kei ganequ lailai.

Na Yalo Tabu E Rawa Ni . . .

• Vakaroti au me vukei au me’u taqomaki tiko

• Vakacegui au niu lomaleqa se rere

• Solia vei au e dua na vakasama ni dua na ka vinaka me’u cakava

• Solia vei au na yalo ni loloma

• Vukei au meu kila ni dua na ka e dina

O sureta na Yalo Tabu me vosa vei iko ni ko masu, wilika na ivolanikalou, ka vukei ira na tani. Vakarorogo ki na nomu vakanananu kei na lomamu. Na cava e tukuna tiko vei iko na Tamada Vakalomalagi ena Yalo Tabu?