“Kemuni na iTokani Gone Lomani,” iTokani, Okosita 2023, 1.
Kemuni na iTokani Gone Lomani,
Keitou nuitaka nio na marautaka na ilavelave digitaki oqo ni iTokani. E baleta tiko na papitaiso kei na veivakadeitaki.
Kevaka o se qai papitaiso oti ga, keitou sa kidavaki iko me vaka e dua na lewe vou Ni Lotu i Jisu Karisito ni Yalododonu Edaidai!
Nio papitaiso, o sa muria tiko na ivakaraitaki ni noda iVakabula, o Jisu Karisito. O yalataka mo nanuma na iVakabula ka muria na Nona ivunau. Na yalayala oqo era vakatokai me veiyalayalati. Nio vakadeitaki, ona ciqoma na isolisoli ni Yalo Tabu. Na Yalo Tabu e rawa ni veivakacegui, veidusimaki, ka veivakauqeti vei iko ena nomu bula taucoko.
Kevaka o sa papitaiso oti, keitou vakauqeti iko mo nanuma na veiyalayalati o cakava ena papitaiso ka tovolea mo muri Jisu e veisiga.
Kevaka o se bera ni papitaiso, keitou nuitaka nio na vakavakarau ena nomu vulica eso tale na ka me baleta na ikalawa bibi oqo.
Keitou taleitaki kemuni vakayadudua sara. Keitou kila ni sa wanonovi iko tiko na Tamada Vakalomalagi. E lomani iko vakalevu sara o Koya, vakakina o keitou.
Na Mataveiliutaki Taumada