Au a digitaka meu lakova e dua na sala vou ka muri Jisu Karisito ena gauna au a papitaiso kina. A rawarawa na noqu papitaiso ia a vakasinaiti ena luluvu, kau vakila niu tamata vou. Au vinakata meu na veiqaravi vaka-daukaulotu.
Happiness D., yabaki 9, Accra, Ghana
iVakatakilakila
alt text
Au tovolea meu dau muri Jisu me tekivu mai na gauna au a papitaiso kina ena noqu yalovinaka vei ganequ gone. Au veivuke ena noqu dau biliga nona qiqi. Au vakila na marau niu dau yalovinaka, kau kila ni na vakamarautaki Jisu talega.
Simoni P., yabaki 9, Massachusetts, Amerika
iVakatakilakila
alt text
Au muri Jisu ena masu, lomani ira na tani, ka tiko vei au na vakabauta.
Yoreli T., yabaki 6, Zumpango, Mexico
iVakatakilakila
alt text
Ena Siganisucu keirau a veisoliyaka kei tamaqu na kakana vei ira na tamata ka sega nodra vale. E lasa dina! Na muri Jisu e dau vakamarautaki au.
Akari F., yabaki 9, Chiba, Japani
iVakatakilakila
alt text
Au muri Jisu ena noqu dau wilika na noqu ivolanikalou ka muria na Nona ivakaro.
Luke W., yabaki 9, Wyoming, Amerika
iVakatakilakila
alt text
Au muri Jisu ena noqu dau lomana na noqu matavuvale ka dauveivuke vakalailai vei tinaqu.
Chloe D., yabaki 4, National Capital Region, Filipaini
iVakatakilakila
alt text
Niu dau masu, wilika na ivolanikalou, se cakava e dua na ka vinaka, au dau marau. E vaka ni dau mokoti au e dua au lomana. Au kila ni oya na Yalo Tabu.
Caileen D., yabaki 6, National Capital Region, Filipaini
iVakatakilakila
alt text
Au dau vakila na Yalo Tabu ni’u lako curuma na veigauna dredre. E vukei au meu lomavinaka cake.
Hunter O., yabaki 11, North Carolina, Amerika
iVakatakilakila
alt text
Au dau vakila na Yalo Tabu niu vakamaravutaka na noqu vakasama ka digitaka na dodonu. Niu dau vakarorogo vei tinaqu kei tamaqu, au rawa ni vakila na Yalo Tabu ni voleka vei au.
Oliver B., yabaki 10, Washington, Amerika
iVakatakilakila
alt text
Na Yalo Tabu e vakilai ni katakata ka veivaqaqacotaki. Sa dau tiko na Yalo Tabu ena gauna o gadreva kina, ka sa talei dina.
Aisea A., yabaki 9, iWasewase e Loma, Viti
iVakatakilakila
alt text
Na Yalo Tabu e dau vakavuna meu marau, lomavinaka, ka kaukauwa.
Hailey G., yabaki 7, Santa Cruz, Bolivia
iVakatakilakila
alt text
Niu a papitaiso, au a vakila na batabata ena vuku ni wai. Ia ni sa oti, au a vakila na katakata kei na savasava. Ena noqu papitaiso au a taura e dua na ikalawa levu kivei Karisito kei na Tamada Vakalomalagi.