Dali, Sunod Kanako

Makalingaw nga Panahon sa Kasulatan

Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.

Oras sa Templo

Imahe

girl standing in front of temple

Kantaha ang “Gusto Ko nga Makita ang Templo” (Songbook sa mga Bata, 99).
Si Jesus misulti sa mga Santos sa pagtukod og templo (tan-awa sa Doktrina ug mga Pakigsaad 95:8). Ang mga templo importante nga mga dapit diin kita makahimo og mga pakigsaad (mga saad) ngadto sa Langitnong Amahan ug masilyo ngadto sa atong mga pamilya.
Adto sa temples.ChurchofJesusChrist.org aron motan-aw sa mga litrato sa mga templo sa tibuok kalibotan. Hisgoti kon nganong ang mga templo sagrado ug espesyal kaayo.

Imahe

smiley-faced sun made of paper plate

Kantaha ang “Kalag Ko May Kasanag Karon” (Mga Himno, nu. 139).
Si Jesus miingon, “Kanako hingpit ang imong kalipay” (Doktrina ug mga Pakigsaad 101:36). Ang hingpit nga kalipay usa ka malungtarong kalipay nga imong bation sa imong kasingkasing.
Pagdrowing og malipayon nga nawong ug nawong nga nagmug-ot sa isig ka kilid sa usa ka plato nga papel o lingin nga papel. Magdungan sa paghingalan og pipila ka butang nga makapalipay o makapaguol sa mga tawo ug ipataas ang malipayon o nagmug-ot nga nawong. Siguroa nga mohingalan og pipila ka malipayong mga butang mahitungod ni Jesus!

Imahe

hands making a heart shape

Kantaha ang “Magmaisugon Ko” (Songbook sa mga Bata, 85).
Si Jesus mitudlo nga kon kita mosunod sa mga sugo, kita mapanalanginan (tan-awa sa Doktrina ug mga Pakigsaad 103:7).
Pasultiha ang usa ka tawo og “si Jesus miingon” ug dayon mosulti og usa ka butang nga gihangyo ni Jesus nga atong buhaton. Dayon paghimo og aksiyon nga motakdo sa mga pulong. Sama pananglit, kon ang tawo moingon, “si Jesus miingon nga higugmaon ang tanan,” kamo moporma og kasingkasing gamit ang inyong mga kamot. Kon ang tawo moingon, “si Jesus miingon nga mag-ampo,” kamo mokiyugpos sa inyong mga bukton. Magpuli-puli sa pagsulti sa unsay gisulti ni Jesus.

Imahe

boy writing letter

Kantaha ang “Salamat, O Dios sa Propeta” (Mga Himno nu. 13).
Si Jesus mitawag og mga propeta, mga apostoles, ug uban pa sa pagpangulo sa Simbahan (tan-awa sa Doktrina ug mga Pakigsaad 107:21–26). Kita makapaminaw sa pipila niining mga lider sa kinatibuk-ang komperensiya!
Samtang maminaw kamo sa komperensiya, gamita ang mga kalihokan diha sa mga pahina 24–25 aron matabangan kamo nga makapokus. Dayon mosulat sa Higala aron mosulti kanamo unsay inyong labing ganahan mahitungod sa kinatibuk-ang komperensiya.

Imahe

temple drawing

Kantaha ang “Ang Espiritu sa Dios” (Mga Himno, nu. 2).
Human matukod ug mapahinungod ang Templo sa Kirtland, si Jesukristo mipakita didto ni Joseph Smith ug ni Oliver Cowdery (tan-awa sa Doktrina ug mga Pakigsaad 110:2–7). Ang templo mao ang balay sa Ginoo. Makakat-on ka og dugang mahitungod sa Templo sa Kirtland diha sa pahina 42.
Pagdrowing og hulagway sa imong paborito nga templo. Kantaha ang “Gusto Ko nga Makita ang Templo” (Songbook sa mga Bata, 99). Matag higayon nga imong kantahon ang pulong nga templo, ipataas ang imong hulagway sa templo. Paghunahuna og laing mga pulong diha sa awit nga nagpakita kon unsa ka espesyal ug kanindot ang mga templo.

Mga paghulagway pinaagi ni Katy Dockrill