Minahal nga mga Higala,
Mibati ba kamo sukad nga nabalaka o nasagmuyo panahon sa unos, sakit, o panaglalis? Si Jesus nasayod kon unsay inyong gibati, ug Siya makatabang kaninyo! Sa pahina 3 inyong mabasa kon giunsa ni Jesus pagpakalma ang dakong unos ug mobuhat og usa ka kalihokan aron matabangan kamo nga mobati og kalinaw.
Sa pahina 23, makakat-on kamo og usa ka maanindot nga kanta nga gitawag og “Kalinaw diha ni Kristo.”
Inubanan sa gugma,
Ang Higala
P.S. Palihug pagsulat ug sultihi kami kon sa unsang paagi nga kamo mibati og kalinaw.
Diin Kami Nagbasa sa Higala
Si Milfred ug si Alfred W., edad 7 ug 4, nagbasa sa Higala sa Iningles didto sa Kampala, Uganda.
Gusto Ko nga Makita ang Templo
Si Logan A., edad 10, mibisita sa Templo sa Montreal Quebec.
Arte sa Kasulatan nga Hinimo sa Gagmayng mga Bato!
Alang sa home evening, mihimo kami og tulo ka senaryo sa kasulatan nga hinimo sa gagmayng mga bato. Nalingaw kami sa pagkat-on sa istorya sa kasulatan mahitungod sa igsoong lalaki ni Jared (Nob. 2020)!
Si James ug si Séfora W., edad 6 ug 5, Navarre, Spain