¶ 1 KOEUHI ko Saione e ikai teu fakalogobe, bea koeuhi ko Jelusalema e ikai teu mālōlō, kae oua ke ulo atu a ene maonioni o hage koe māma lahi, bea mo ene fakamoui o hage koe māma oku ulo.

2 Bea e mamata ae gaahi Jenitaile ki hoo maonioni, moe gaahi tu‘i kotoabe ki ho nāunāu; bea e ui aki koe ae higoa foou, aia e fakaha e he folofola a Jihova.

3 Bea te ke hoko foki koe tatā oe nāunāu i he nima o Jihova, moe bale fakatu‘i i he nima o ho Otua,

4 E ikai toe ui koe koe Liaki; bea e ikai toe ui ho fonua koe Lala: ka e ui koe ko Hefisiba, mo ho fonua ko Biula: he oku fiefia a Jihova iate koe, bea e fai ae taane i ho fonua.

¶ 5 Hage oku mali ae talavou moe tāuboou, e behe ae mali ho gaahi foha mo koe: bea hage oku fiefia ae tagata taane i he taahine, e behe ae fiefia a ho Otua iate koe.

6 Kuou fekau ae kau tagata leo ki ho gaahi a, E Jelusalema, bea e ikai te nau fakalogobe i he aho be i he bo; ko kimoutolu oku fakaha a Jihova, oua e fakalogobe,

7 Bea oua naa tuku kiāte ia ha fiemalie, kae oua ke fokotuu mau eia a Jelusalema, bea ke ne gaohi ia koe ogoogolelei i mamani.

8 Kuo fuakava e Jihova i hono nima toomatau, bea i he nima o hono malohi, Koe mooni e ikai teu toe foaki hoo uite koe mea kai ki ho gaahi fili; bea e ikai inu e he gaahi foha oe muli i hoo uaine, aia kuo ke gaue ke ma‘u:

9 Ka ko kinautolu kuo tanaki ia te nau kai ia, bea fakamalo kia Jihova; bea ko kinautolu kuo omi fakataha ia te nau inu ia i he gaahi lotoa o hoku maonioni.

¶ 10 Hu atu, hu atu i he gaahi mataba; teuteu ae hala oe kakai; fokotuu hake, fokotuu hake ae hala maoluga; tanaki mei ai ae gaahi maka; fokotuu ae fuka ma ae kakai.

11 Vakai, kuo folofola a Jihova o a‘u ki he gataaga o mamani, Mou behe ki he ofefine o Saione, Vakai, oku ha‘u hoo fakamoui; vakai, oku iate ia hono totogi, bea i hono ao a ene gaue.

12 Bea te nau ui akinautolu, Koe kakai maonioni, Koe kakai kuo huhui e Jihova: bea e ui koe, Koe ofeina, Koe kolo tae liaki.