¶ 1 OKU behe e Jihova, E malaia ae fānau talagataa, aia oku fakakaukau kae ikai iate au; bea oku ufiufi aki ae mea ufiufi; ka oku ikai i hoku laumalie, koeuhi ke nau fakalahi ae agahala ki he agahala:

2 Oku nau fonoga ke alu hifo ki Ijibite ke fakamalohi akinautolu i he malohi o Felo, bea ke faaki ki he malu o Ijibite; ka nae ikai te nau fehui ki hoku fofoga!

3 Koia e hoko ae malohi o Felo ko ho mou ma aga, bea koe falala ki he malu o Ijibite ko ho mou maveuveu.

4 He ko hono gaahi houeiki nae i Soani, bea nae ha‘u ene kau talafekau ki Hanesi.

5 Naa nau ma kotoabe i he kakai nae tae aoga kiate kinautolu, nae ikai ko ha tokoni be koe aoga, ka koe fakama bea moe ogokovi.

6 Koe kavega oe gaahi manu oku ave ki he botu toga: ki he fonua oe mamahi moe ogojia, aia oku ha‘u mei ai ae laione mui moe laione motua, ae gata fekai bea moe gata afi oku buna, te nau fua e nau koloa i he uma oe faga asi mui, moe nau gaahi mea i he hula oe faga kameli, ki ha kakai e ikai aoga kiate kinautolu.

7 He koe mea vaiga bea tae aoga, ae tokoni mei he kakai o Ijibite, koia kuou kalaga i he mea ni, Ko ho nau malohi ke nofo be.

¶ 8 Te ke alu ni o tohi ia i ho nau ao i he balebale, bea tohi ia i ha tohi koeuhi koe kuoga kimui o taegata bea taegata.

9 O behe, koe kakai agatuu eni, koe fānau loi, koe fānau oku ikai fie fanogo ki he fono a Jihova:

10 Oku nau behe ki he kau kikite, Oua naa mamata, bea ki he kau balofita, Oua e fakaha kiate kimautolu ae gaahi mea totonu; lea aki kiate kimautolu ae gaahi mea malie, kikite aki ae gaahi kākā:

11 Tuu ki he atā mei he hala, afe atu mei he hala, tuku ke mole i ho tau ao ae Toko Taha Maonioni o Isileli.

12 Koia oku behe e he Toko Taha Maonioni o Isileli, Koe mea i hoo mou fehia ki he folofola ni, bea falala ki he fakamalohi moe mioi, mo faaki ki ai:

13 Koia e hoko kiate kimoutolu ae hia ni o hage ae foa‘i ha a maka oku teitei higa, o hage ko ha mafahi i ha a maoluga oku hoko hono maumau fakafokifa i ha kemo be taha.

14 Bea te ne maumau ia o hage koe maumau ae ibu oe tufuga gaohi ibu aia kuo foa‘i o lailai; e ikai te ne taofi: koia e ikai ilo i hono ba oia ha koga ke vela i he vee afi, be utu aki ha vai mei he luo.

15 He oku behe e he Eiki ko Jihova, koe Toko Taha Maonioni o Isileli; I he tafoki moe nofo be te mou moui ai; i he agavaivai moe tui e ai ho mou malohi: ka nae ikai te mou loto ki ai.

16 Ka naa mou behe, E ikai; ka te mau hola i he faga hose; koia te mou hola: bea, Te mau heka i he vee vave; koia e vee vave foki mo kinautolu oku tuli akimoutolu.

17 E hola ae toko taha afe i he valoki o ha toko taha; i he valoki oe toko nima te mou hola ai: kae oua ke tuku akimoutolu o hage ko ha akau fakailoga i he tumutumu o ha mouga, bea hage ko ha fuka i he tafugofuga.

¶ 18 Bea koia e tatali ai a Jihova, koeuhi ke ne aloofa kiate kimoutolu, bea koia e fakahikihiki‘i ia, koeuhi ke ne aloofa kiate kimoutolu: he ko Jihova koe Otua ia oe fakamāu: oku monuia akinautolu kotoabe oku tatali kiate ia.

19 Koeuhi e nofo ae kakai i Saione i Jelusalema: e ikai te ke toe tagi: te ne fai lelei lahi kiate koe i he le‘o o hoo tagi; i he ene fanogo ki ai, te ne talia koe.

20 Bea ne ogo ae atu kiate koe e Jihova ae ma oe ogojia, bea moe vai oe mamahi, ka e ikai toe ave hoo kau akonaki ki ha tuliki, ka e mamata e ho mata ki hoo kau akonaki.

21 Bea ka ke ka afe ki he toomatau, bea i hoo afe ki he toohema, e fanogo e ho teliga ki ha lea mei ho tua, o behe, Ko eni ae hala, ke ke alu i ai.

22 Te mou fakalielia‘i foki ae ufiufi o hoo gaahi tamabua siliva kuo togitogi, bea moe teuga o hoo gaahi tamabua koula kuo haka: te ke liaki akinautolu o hage ko ha kofu fakalielia; te ke behe ki ai, Alu koe i heni.

23 Bea te ne toki foaki ae uha ki hoo gaahi tega, koeuhi ke ke tūtū‘i ki he kelekele; moe ma koe fua oe kelekele, bea e lahi ia bea mahu: bea i he aho koia e kai e ho faga manu i he gaahi botu ataatā.

24 Bea koe faga bulu moe faga asi mui oku fakamolu ae kelekele, te nau kai ae mea kai lelei, aia kuo fakamaa aki ae fohe moe i.

25 Bea e i ai i he gaahi mouga maoluga kotoabe, bea i he gaahi tafugofuga maoluga kotoabe, ae gaahi vai moe vaitafe i he aho oe tamate‘i lahi, oka higa ae gaahi fale maoluga.

26 Bea e tatau ae māma oe mahina moe māma oe laa, bea e liuga fitu hono lahi hake oe māma oe laa, o hage koe māma oe aho e fitu, i he aho oku nonoo ai e Jihova ae lavea o hono kakai, bea fakamoui ae volu o ho nau teia.

¶ 27 Vakai, oku ha‘u ae huafa o Jihova mei he mamao, oku vela i hono houhau, bea oku mamafa ae kavega oia: oku fonu hono mua fofoga i he houhau, bea hage koe afi fakaauha hono elelo.

28 Bea ko ene mānava, oku hage koe vaitafe oku lofia, e hake ia o a‘u ki he kia, ke li ki oluga ae gaahi buleaga aki ae fohe oe malaia: bea e ai ha mea taofi i he gao oe kakai, ke fakahala‘i akinautolu.

29 Te mou fai ha hiva, o hage koe bo oka fai ai ae fakataha maonioni; bea ma‘u moe fiefia oe loto, o hage ha taha oku alu moe mea ifi ke ha‘u ki he mouga o Jihova, ki he Toko Taha Mafimafi o Isileli.

30 Bea e fakaogo atu e Jihova hono le‘o malohi, bea e fakaha ae tuku hifo a hono nima, aki ae majila o hono houhau, bea moe ulo oe afi fakaauha, aki ae veteki, moe afā, moe uha maka.

31 Koe le‘o o Jihova e ta hifo ai ae kakai o Asilia, aia nae ta aki ho nau tokotoko.

32 Bea koe botu kotoabe e alu ia ki ai, e i ai ae mea ta oe tautea, aia e ai mamafa e Jihova kiate ia: e alu mo ia ae gaahi lali iki moe haabe: bea i he gaahi tau fakamanavahe te ne tau‘i akinautolu.

33 He kuo tuutuuni i mua a Tofeti; io, kuo teuteu ia ma ae tu‘i; kuo ne gaohi ia ke loloto bea laulahi: koe fokotuuga ia oe afi moe fefie lahi; oku tutu ia e he mānava a Jihova, o hage koe sulifa oku tafe.