¶ 1 KE mou fekau ke ave ae lami ki he bule oe fonua mei Sila o a‘u ki he toafa, ki he mouga oe ofefine o Saione.

2 Koeuhi e hage koe manu he oku kabuji mei hono bunuga, e behe ae ofefine o Moabe i he gaahi botu mamaha o Alinoni.

3 Mou fakakaukau, fai fakabotoboto; gaohi ho ata ke hage koe bo i he hoata malie; fufu ae kau auhe; oua naa fakaha aia oku alu hehe.

4 Tuku ke nofo kiate koe a eku kau auhe, e Moabe; ke ke hoko koe ugaaga kiate kinautolu mei he mata oe kaihaa: he kuo gata aia oku fakamalohi, kuo tuku ae kaihaa, kuo auha ae kau fakamamahi mei he fonua.

5 Bea e fokotuu mau ae nofoaga oe tu‘i i he aloofa: bea te ne nofo ai i he mooni i he fale fehikitaki o Tevita, o fai ae fakamāu, bea kumi ki he agatonu, mo fakavave ae maonioni.

¶ 6 Kuo mau fanogo ki ke laukau a Moabe; oku laukau aubito ia: io i he ene fielahi, mo ene laukau, mo ene ita: ka koe mea taeaoga ene gaahi loi.

7 Koia e tagiloa a Moabe koeuhi ko Moabe, e tagi ae kakai kotoabe: te mou mamahi koeuhi koe gaahi tuuga o Kili‐haleseti; he koe mooni kuo ta‘i akinautolu.

8 He kuo mae ae goue o Hesiboni, bea moe vaine o Sibima: kuo feji‘i hifo e he houeiki oe hiteni a hono gaahi akau lelei, kuo nau ha‘u ki Jesa, naa nau alu fano i he toafa: kuo mafola atu hono gaahi vaa, kuo nau ika i he tahi.

9 Koia teu tagi i he tagi o Jesa koeuhi koe vaine o Sibima: teu fakaviviku koe aki hoku loimata, E Hesiboni, mo Iliale: he kuo oji ae kalaga koeuhi koe gaahi fua oe faahita‘u mafana bea mo hoo ututa‘u.

10 Kuo too o mole ae fiefia, moe nekeneka mei he abi mahu; bea e ikai ha hiva, be ha kalaga e fai i he gaahi goue vaine: e ikai toe malaki ha uaine e he kau malaki i he gaahi tataoaga; kuou bule ke tuku e nau kalaga fiefia.

11 Koia e tagi a hoku fatu o hage ko ha haabe koeuhi ko Moabe, mo hoku tootooga koeuhi ko Kili‐haleseti.

12 Bea e hoko o behe, oka ha mai kuo ogojia a Moabe i he botu maoluga, bea te ne ha‘u ki hono botu tabu ke hu; ka e ikai te ne lava‘i.

13 Ko eni ae folofola kuo folofola aki e Jihova, ki Moabe talu ae kuoga koia.

14 Ka koeni kuo folofola a Jihova, o behe, I he heeki kakato ae ta‘u e tolu, hage koe ta‘u o ha taha oku gaue kae totogi, e fakavaivai‘i ae nāunāu o Moabe, moe fuu toko lahi oku i ai; bea e jii aubito bea vaivai a hono toega.