ປຈສ, ພຣະນິມິດ 2:22. ປຽບທຽບໃສ່ກັບ ພຣະນິມິດ 2:22
ຄົນຊົ່ວຈະຖືກໂຍນລົງນະລົກ.
22 ຈົ່ງເບິ່ງ, ເຮົາຈະໂຍນນາງລົງນະລົກ, ແລະ ພວກທີ່ຫລິ້ນຊູ້ກັບນາງ ຈະໄດ້ຮັບຄວາມທຸກທໍລະມານອັນແສນສາຫັດ, ຍົກເວັ້ນແຕ່ພວກເຂົາຈະກັບໃຈຈາກການກະທຳຂອງພວກເຂົາ.
ປຈສ, ພຣະນິມິດ 2:26–27. ປຽບທຽບໃສ່ກັບ ພຣະນິມິດ 2:26–27
ຜູ້ທີ່ເອົາຊະນະໂລກໄດ້ ໂດຍການເຊື່ອຟັງຕໍ່ພຣະບັນຍັດຂອງພຣະຄຣິດ ຈະໄດ້ປົກຄອງອານາຈັກຢູ່ໃນໂລກທີ່ຈະມາເຖິງ ດ້ວຍສັດທາ, ຄວາມສະເໝີພາບ, ແລະ ຄວາມຊອບທຳ.
26 ແລະ ຜູ້ທີ່ເອົາຊະນະ, ແລະ ຮັກສາພຣະບັນຍັດຂອງເຮົາ ຈົນເຖິງທີ່ສຸດ, ເຮົາຈະໃຫ້ຜູ້ນັ້ນມີອຳນາດປົກຄອງຫລາຍອານາຈັກ;
27 ແລະ ຜູ້ນັ້ນຈະປົກຄອງ ພວກເຂົາດ້ວຍ ພຣະຄຳຂອງພຣະເຈົ້າ; ແລະ ພວກເຂົາຈະຢູ່ໃນກຳມືຂອງຜູ້ນັ້ນ ເໝືອນດັ່ງໝໍ້ດິນ ຢູ່ໃນມືຂອງຊ່າງປັ້ນໝໍ້; ແລະ ຜູ້ນັ້ນຈະປົກຄອງພວກເຂົາດ້ວຍສັດທາ, ດ້ວຍຄວາມສະເໝີພາບ, ແລະ ດ້ວຍຄວາມຊອບທຳ, ຕາມທີ່ເຮົານີ້ໄດ້ຮັບອຳນາດຈາກພຣະບິດາຂອງເຮົາ.