ARIT, Mataio 6:14. Kabotaua Mataio 6:13; titebo bitaki aika karaoaki n Ruka 11:4
Te Uea e aki kairira nakon te kaririaki.
14 Ao kariaia bwa ti na aki kairaki nakon te kaririaki, ma kamaiuira man te buakaka.
ARIT, Mataio 6:22. Kabotaua Mataio 6:22
Ngkana matara a ineti nakon mimitongin te Atua, rabwatara ae bwanin e na kaonaki ma te oota.
22 Otan te rabwata bon te mata; ngaia are ngkana matam a ineti nakon mimitongin te Atua, rabwatam ae bwanin e na onrake n te oota.
ARIT, Mataio 6:25–27. Kabotaua Mataio 6:25; 10:10
Iesu e kauringia Ana reirei ibukin kaangaangan aia mwakuri ma e berita bwa E na katauraoa te kawai ao bwa Tamara are i Karawa e na katauraoi bwaai ibukia.
25 Ao, N na manga taekinna riki nakoimi, Nako ngkami nakon te aonaaba, ao tai tabe ibukin te aonaba; bwa te aonaba e na ribaingkami, ao e na bwainikirini ngkami, ao e na kaotinakoi ngkami man aia tinakaoke.
26 E ngae n anne, kam na waaki nako man te auti teuaana nakon te auti teuana, n reireinia te botanaomata; ao N na rimoami.
27 Ao Tamami are i karawa e na katauraoi bwaai ibukimi, bwaai ni kabane ake kam kainnanoi ibukin te amwarake, baike kam na kanna; ao ibukin kunikaimi, baike kam na bwaini ke ni katokai iaomi.
ARIT, Mataio 6:38. Kabotaua Mataio 6:33
Ti riai n ukoukora moa katean uean te Atua.
38 Mangaia are, tai ukoukori bwain te aonaba aei ma ukoukora moa katean uean te Atua, ao ni kateimatoa ana raoiroi, ao baikai ni kabane a na raonaki nakoim.