ARIT, Mataio 21:33. Kabotaua Mataio 21:32–33
Te aomata e riai n raira nanona i mwaain ae kona ni kakoaua Kristo.
33 Bwa ane e aki kakoaua Ioane ni kaineti ma ngai, e aki kona ni kakoauaai, ma ti ngkana e raira nanona moa.
ARIT, Mataio 21:47–56. Kabotaua Mataio 21:45–46
Iesu e taekinna bwa Ngaia atibun bouan te maninganinga. Te euangkerio e anga nakoia Iutaia ao i mwina nakoia Tientaire. Ake a buakaka a na kamaunaaki ngkana e manga oki Iesu.
47 Ao ngke mataniwiia ibonga ao Baritaio a tia n ongo ana taetae ni kaikonaki, a nooria bwa e taetae ibukiia.
48 Ao a taku i marenaia, E iangoia te aomata aei bwa ngaia n ti ngaia e kona n urua te abanuea aei? Ao a un irouna.
49 Ma ngke a ukoukoria bwa a na taua, a makuia te nata n aomata, ibukina bwa a ataia bwa te nata n aomata a taku bwa ngaia te burabeti.
50 Ao ngkai ana reirei a roko irouna, ao Iesu e taku nakoia, Kam miimi n taekan te kaikonaki are I taekini nakoia?
51 E koaua, ae I taekinna nakoimi, Ngai te atibu, ao naake a buakaka aki butimwaeai.
52 Ngai te maninganinga ae kakaawaki. Iutaia aikai a na bwakarai, ao a na uruakaki.
53 Ao uean te Atua e na anaaki mai irouia, ao e na anganaki te botanaomata ae kariki uaana; (a kananonaaki Tientaire.)
54 Mangaia are, ane e bwakaria te atibu aei, e na kamantia nakon te bubu.
55 Ao ngaia are ngkana Uean te nne ni kurebe e roko, e na kamaunaia naake a rawawata nanoia, aomata aika buakaka, ao e na manga ritina ana nne ni kurebe nakoia tabeman taan ribana, ni boong aika kaitira, ake a na anganna uaana i nanon taia.
56 Ao ngkanne a na mataata n te taetae ni kaikonaki are e taekinna nakoia, bwa Tientaire a na kamaunaaki naba, n te tai are te Uea e na ruo mai karawa ni uea n ana nne ni kurebe, are bon te aonaba ao kaaina ake iai.