39 Te tai n tai bon tokin te aonaba, ke kamaunakia ake a buakaka.

40 Taan tai bon anera, ke taan uarongorongo ake a kanakomaiakaki mai karawa.

41 Mangaia are, n aron taian titania ake a ikotaki ao a kabuekaki i nanon te ai, ao ai bon arona naba n tokin te aonaba aio, ke kamaunakia ake a buakaka.

42 Bwa n te bong arei, i mwaain rokon Natin te aomata, e na kanakomaia ana anera ao taan uarongorongo mai karawa.

43 Ao a na kaotinakoi man abanueana bwaai ni kabane aika kamatauninga, ao naake a karaoa te bure, ao a na teweaki nako buakoia ake a buakaka; ao e na iai te tanginiwenei ao te kangenge wi.

44 Bwa e na kabuekaki te aonaba ma te ai.