3 Ko na ata aei moa, ae ni boong aika kaitira iai taan kakaniko aika a na roko, aika tou mwin oin aia kaibwabwaru.

4 Kaakean te Uea ae Iesu Kristo, ao a kangai, Enga rokona ae tataekinaki? bwa ngke a matu ara bakatibu, ao bwaai ni kabane a na riai n reiti nako n aroia, ao a bon reiti nako n aroia ma ngke moan karikaki aonaba.

5 Ibukin aei ao a bon kukurei n aki ata taekana, ae taian karawa bon ma ngkoangkoa, ao te aba e tei i nanon te ran ao n otinako man te ran, a bon karikaki n ana taeka te Atua;

6 Ao man ana taeka te Atua, te aonaba are iai ngkoa, e iekaki n te ran ao e kamaunaki;

7 Ma taian karawa, ao te aonaba aika iai ngkai, a bon kawakinaki ni kaikoaki n te taeka naba arei, ni kawakinaki nakon karean te ai ni kaitara te bong ni motikitaeka ao kabuakakaia aomata aika aki tangira te Atua.

8 Ma ngkami aika kam tangiraki, ni kaineti ma rokon te Uea, I aki kariaia bwa e na raba taekan te baei ae ti teuana nakoimi, ae teuana te bong bon titebo ma ririki aika tenga iroun te Uea, ao titebo ririrki aika tenga ma teuana te bong.

9 Te Uea e aki baenikai ni kaineti ma ana berita ao rokona, n aroia tabemwang ae a taekina te baenikai; ma e taotaona nanona nakoira, n aki tangira maten temanna, ma a na bane aomata n rairi nanoia.

10 Ma e na roko ana bong te Uea n ai aron te tia ira n te tairiki, are a na ruru iai taian karawa, ao te aonaba naba e na ruru, ao taian maunga ana waanako, ao ni mauna nako ma te karongoa ae korakora, ao bwaai nako a na kaonaki ma te kabuebuea ae korakora; te aonaba naba e na kaonaki, ao mwakuri aika bubuaka aika a mena iai a na kabuokaki.

11 Ngkanne ngkana a na bane baikai ni kamaunaki, tera aroma ae kam na karaoia bwa kam aonga n riki n itiaki aromi ao n tangira te Atua,

12 Ni kantaninga nakon, ao ni katauraoi ibukin ana bong te Uea n roko ike a na bue bwain karawa aika buakaka, a na rannako, ao maunga a na waanako ni korakoran te kabuebue?

13 E ngae n anne, ngkana ti teimatoa, ti na kawakinaki n aron ana berita. Ao ti kantaninga karawa aika boou, ao te aonaba ae boou ike e maeka iai te raoiroi.