GJS, ULuka 17:21. Thelekisa noLuka 17:20–21
Ubukumkani bukaThixo sebufikile.
21 Bengasayi kuthi, Yabonani, apha! okanye, Yabonani, phaya! Kuba, qaphelani, ubukumkani bukaThixo sele bufikile kuni.
GJS, ULuka 17:36–40. Thelekisa noLuka 17:37
UYesu ubalisa umzekeliso wamaxhalanga ukucacisa ukuhlanganiswa kwabaNgcwele Bakhe ngemihla yokugqibela.
36 Kwaye baphendula kwaye bathi kuye, Nkosi, baya kusiwa phi?
37 Kwaye wathi kubo, Apho sikhona umzimba; okanye, ngamanye amazwi naphina, apho abangcwele bahlanganisana khona, kulapho aya kuhlanganiswa kunye amaxhalanga; okanye, kulapho intsalela iya kuhlanganisana kunye.
38 Oku wakuthetha, eqondisa ukuhlanganiswa kwabangcwele bakhe; nangeengelosi zisehla kwaye zihlanganisela intsalela kubo; omnye emandlalweni, omnye ekusileni, nomnye entsimini, nabani na onqwenayo.
39 Kuba inene kuya kubakho amazulu amatsha, nomhlaba omtsha, apho kumi ubulungisa.
40 Kwaye akuyi kubakho nto engacocekanga; kuba umhlaba usiya uguga, nkqu njengesambatho, usiba nokwanda ekonakaleni, ngako oko uthi shwaka, size isihlalo seenyawo sihlale singcwalisiwe, sicocwe kuso sonke isono.