GJS, ULuka 16:16–23. Thelekisa noLuka 16:16–18
Umthetho nabaprofeti ungqina ngoYesu. AbaFarisi bafuna ukutshabalalisa ubukumkani. UYesu wazisa umzekeliso wendoda esisityebi noLazaro.
16 Baye bathi kuye, Sinawo umthetho, nabaprofethi; kodwa okokwakhe lo mntu asiyi kumamkela abe ngumlawuli wethu; kuba uzenza umgwebi phezu kwethu.
17 Ngoko wathi uYesu kubo, Umthetho nabaprofethi bangqina ngam; ewe, nabo bonke abaprofeti ababhalileyo, nkqu kude kuye kuYohane, bayixele kwangaphambili le mihla.
18 Ukususela eloo xesha, ubukumkani bukaThixo bushunyayelwe, naye wonke umntu ofuna inyaniso ufunzele kubo.
19 Kwaye kulula ukuba lidlule izulu nomhlaba, kunokuba kuwe nalinye isuntswana lomthetho.
20 Kwaye kungani na ke ukuba nifundise umthetho, nize nikuphike oko kubhaliweyo; nize nimgwebe lowo uBawo amthumele ukuzalisekisa umthetho, ukuze nonke nibe nokukhululwa?
21 Owu ziyathandini! kuba nithe ezintliziyweni zenu, Akukho Thixo. Kwaye nigqwetha indlela elungileyo; nobukumkani bamazulu bubandezelwa lugonyamelo lwenu; naye nitshutshisa abanobulali; kwaye ke kugonyamelo lwenu nifuna ukutshabalalisa ubukumkani; kwaye nithabatha abantwana bobukumkani ngesinyanzelo. Yeha kuni, nina bakrexezi!
22 Kwaye bamnyelisa kwakhona, ngenxa yokuba babenomsindo ngentetha, ethi babe ngabakrexezi.
23 Kodwa waqhubeka, esithi, Nabani na omalayo umfazi wakhe, aze azeke wumbi, uyakrexeza; nabani na omzekayo lowo walene nendoda yakhe, uyakrexeza. Inene ndithi kuni, ndiya kunifanekisa nendoda esisityebi.