Tempolo Gwau Maoro Henanadaidia

1. Oi mai emu abidadama bona hahemomokani ta Dirava, Tamada noho hanai hanai, Ia Natuna, Iesu Keriso, bona Lauma Helaga ediai?

2. Oi mai emu hahemomokani ta Iesu Keriso ita eda dika ahunai ela bona Ia ena gaukara oi emu Hahemauri Tauna bona Hahemauri Diravana?

3. Oi mai emu hahemomokani ta Iesu Keriso ena Sivarai Namo Hamauri Lou gauna ai?

4. Oi ese Iesu Keriso ena Dubu Ekalesia Helagadia Dina Gabediai ena Hegunalai Tau Badana oabiadaemu ia na peroveta tauna, sevara gaudia e itamu, bona e gwaurai hedinaraimu bona ia sibona mo tau tamona tanobada ai enohomu gwau maoro henia dagi helagadia e dogo taomu taudia iboudiai ki e henidiamu?

   Oi ese Hegunalai Taudia Ginigunadia bona Aposetolo Gwauta Rua-osi edia Orea Eabiahidi Gauna hegeregere peroveta taudia, do sevara gaudia eitamu, bona e gwauraidia hedinaraimu oabidaemu?

   Oi ese Dubu ena orea badadia haida bona maragidia edia hegunalai taudia oabidia daemu?

5. Lohiabada na eto gau iboudiai na “namo ai ba karadia goeva-goeva Ia vairanai” (Hahediba bona Gwauhamata Herevadia 42:41).

   Oi ohelaoreamu emu lalohadai ai bona kara ai ba mauri namonamo?

   Oi ese headava mauri namona taravatuna obadinaiamu?

6. Oi ese Iesu Keriso ena Dubu lalonai e hahedibalai gaudia okaramu emu mauri lalonai bona hutuma vairadiai emu bese ida bona haida ida danu?

7. Oi ese dubu haida edia gaukara o hedurulaimu eiava o abidaemu edena be Iesu Keriso ena Dubu Ekalesia Helgadia Dina Gabediai ida se heturamu?

8. Oi o helaoreamu Dina Sabadi o ahelagaiamu, emu rumai bona dubu ai; emu dubu heboudia olaomu; o hegaegaemu bona helagamu anibou oanimu; bona mauri namona bona maino ai o nohomu sivarai namo bona gwauhamata taravatudia lalodiai?

9. Oi emu mauri lalonai ohelaoreamu momokani ai gau iboudiai okaramu?

10. Oi boubou oheni gugurumu?

    Ekalesia matamatadia eu ramu gwau maoro bae abi mase taudia gabudiai bapatiso bona hahemomokani gaukaradia bae kara: Oi ura kwalimu ai boubou ba heni taravatuna bo badinaiamu?

11. Oi Aonega Herevadia o lalo-pararalaimu bona o badinamu?

12. (Ina henanadai na se gwauraiamu bema maragina ta eiava eregabe ta e nanadaiamu neganai.) Oi mai emu lalo hekwarai haida moni kahanai Adavamu gunana eiava natumu ediai?

    Bema aherena na oibe, oi ese ina horai ini lalo hekwarai gaudia okaramu?

13. (Ina henanadai na se gwauraiamu bema memba ta na dabua helagadia do se hadokilaia.) Oi tempolo lalonai gwauhamata taravatudia okara gaudia obadinamu?

14. (Ina henanadai na se gwauraiamu bema ekalesia ta daika dabua helagadia do se hadokilaia.) Oi emu gwauhamata helaga maoro idau hereana gameni dabua helagana barioa e hadibalaiamu taravatu helaga gaukara matamanai obadinaiamu? (“Tempolo Dabua Barioa” Herevadia ba duhaidia, henuai etore, ekalesia ta-ta edia.)

15. Oi emu mauri lalonai kara dika badadia haida okara gaudia, ouramu baha goevadia dagi helaga edogo taomu taudia edia gwau maoro siahuna ai, emu helalo kerehai gauna ai bainela?

16. Oi sibomu vada o hegaegae Lohiabada ena ruma ai bavareai bona tempolo lalonai helaga gaukaradia bakara?

Hegunalai Tau Ginigunana ese gameni dabuana bario daladia herevalaidia:

“Helaga dubu dagi biaguna ena gameni ese ehahelaloda unemu seseahu tempolo lalonai, bona una seseahu na Iesu Keriso toana. Emu gameni oahedoki laiamu neganai, oi na Iesu Keriso ena helaga toana ohadokiamu. Orioamu na oi lalomu gwauhamatana na murimuri karadia ese ea heitalaimu Ia murinai baraka. Ina gameni danu oi ehahelalomu unemu oi emu tempolo taravatudia. Oi na ina gameni na barioa dina bona hanuaboi, emu mauri dinadia iboudiai. Bema okokidiamu gaukara kereredia haida bakara gameni orioa lalonai, batahua bena barioa haraga. Emu taravatu helagadia olalomu, emu gameni ikaradia taravatudia helagadia danu, emu gaukara helagana lalonai, oi na Ahemauri Tauna ena hebogahisi, henari, goada bona siahu ohakahikahidia hereamu.”

Dagi helaga e gunalaiamu tauna ese ekalesia tauna eiava hahinena e hamaoroa edia tempolo gwau maoro pepana bae naria namonamo. Ina gwau maoro pepana na taunimanima ta basio henia bona e boiomu eiava he naoa neganai kara haraga gwau maoro eheni taudia baha dibadia.