Ekalesia Taudia E Abidiahidimu edia Dagi Helaga Gaukaradia Bae Kara

Ekalesia taudia daika e abidiahidi bona e abidiadae Dubu dagidia momo gaukaradia bae kara na bae hasiahudia una dagi gaukarana baine kara (Ioane 15:16; Hahediba bona Gwauhamata Herevadia 42:11 baitadia). Ina abihidi hahesiahuna gaukarana lalonai, ina tau na (ginigunana) gwau maoro siahuna heniamu e abiahidi gaukarana baine karaia bona (iharuana) hahenamo herevadia ba henia Lauma Helaga ena haheakau ai.

Steik e gunalaiamu taudia, bisop, bona hegogo orea e gunalaiamu taudia ese hegunalai kidia e abimu idia eha siahudiamu neganai. To, ina hereva ki na basie gwauraia bema ekalesia taudia eha siahudiamu neganai idia ese bae gaukaralai dagidia ahe siahudia e abi gaudia lalonai, hegunalai taudia edia sisiba taudia danu.

Melekesedi Dagi Helagana e dogoa taomu tauna ta eiava taudia imadia metaira baie atokau una tau kwaranai. Bena baine hereva gadona:

1. Ina tau eiava hahine ladana idoinai baine boilaia.

2. Baine gwa ia na Melekesedi Dagi Helagana e dogoa taomu gwau maoro siahunai e gaukaramu.

3. Guriguri ai hahesiahu gaukarana baine hekara ina abihidi tauna ena helaga gaukarana baine karaia steik, wodi, hegogo abihidi orea badana, eiava orea maragina ihakaudia.

4. Ki ba henia bema ina tau ese baine abia neganai.

5. Hahenamo Herevadia ba heni Lauma Helaga ena hahekau ai.

6. Iesu Keriso ladanai, amen.