Dagi Helaga E heniamu bona Eha Siahuamu Ofesi ta ai

Dagi helagadia na orea rua: Arona bona Melekesedi. Bema tau ta dagi helagana e heniamu, ia na una dagi ofesina ai eha siahuamu. Ini dagi rua osi e henimu murinai, tau ta na baine hasiahua mo ofesi haida ai una dagi helagana lalonai.

Steik Egunalaiamu tauna eiava Melekesedi Dagi Helaga e dogoa taomu tauna ena hegunalai henunai, tau ta baine ahelagaia diba rahobada ofesina ai. Melekesedi Dagi Helaga e dogo taomu taudia sibodia mo bae gini kuboru.

Steik egunalaiamu tauna eiava hahelaga taudia daena e dogoa taomu tauna ena ahekau ai, tau ta baine hasiahua diba helaga dagi badana ofesina ai. Dagi hahelaga taudia badana edogo taomu taudia sibodia mo bae gini kuboru.

Dagi helaga e dogoa taomu tauna ta eiava Melekesedi Dagi Helaga e dogoa taomu tauna ese ekalesia tauna ta baine hasiahua diba diakono ofesina ai, hahediba tauna, eiava dagi helagana ai. Ia na bisop ese gwau maoro baine henia. Bisop eiava ia ese e abiahidi tauna ta na baine heitatao.

Arona Dagi helagana hahesiahu gaukarana na, dagi helagana e dogoa taomu tauna ta eiava Melekesedi Dagi Helagana e dogoa taomu tauna ese baine karaia.

Dagi helagana bae henia bona una dagi helagana ofesina ai bae hasiahua tauna na, dagi helagana e dogoa taomu tauna ta eiava taudia momo gwau maoro siahuna e henidia taudia ese imadia metaira bae atodia kau una tau kwaranai. Bena baine hereva gadona:

Ina tau ladana idoinai baine boilaia.
Baine gwa ia ese e dogoa taomu dagi helagana siahuna ai ina helaga gaukarana e karaiamu (hegeregere Arona eiava Melekesedi Dagi Helagana).
Arona eiava Melekesedi Dagi Helagana siahuna e heniamu, bema do se heni neganai.
Tau ta eha siahuamu Arona eiava Melekesedi Dagi Helaga ofesina ai, bona maoro e heniamu, siahuna, bona una ofesi gwau maoro gaukaradiai.
Hahenamo Herevadia e henimu Lauma Helaga ena hahekauai.
Iesu Keriso ladanai, amen.

Tau ta dagi helaga opesina ta ai eha siahumu ia ese una ofesi dagina bona gaukara helagadia e abi murinai, una tau daika helaga gaukaradia e karamu tauna na kaha ihatoina gaukaradia baine rakatanidia.