Bapatiso

Tauani idoinai ranu lalonai e dihomu bapatiso na dagi helaga e dogoa taomu tauna siahunai e karaiamu na maoro tau ta enai, ia bainema Dubu ena memba ta bona Lauma Helaga baine abia. Taunimanima iboudiai daika e uramu bavabidia isi na Ahemauri Tauna ena kara bae kara ini helaga gaukaradia bae abi.

Bapatiso helaga gaukarana na dagi helaga e dogoa taomu tauna ta eiava Melekesedi Dagi Helaga e dogoa taomu tauna ese e karaiamu.

Hahebade taudia rua, hegunalai tauna ese eha momokanidia, na bapatiso gaukaradia ta-ta bae ita tao idia na momokani ai e kara namonamomu. Dubu ai e bapatisodia taudia, maragidia bona eregabe danu, na hahebade taudia ai baela diba.

Bapatiso na baine hekara lou bema herevadia na se gwaurai namonamo Hahediba bona Gwauhamata Herevadia 20:73 lalonai e torea. Bae karaia lou danu bema e bapatisoa tauna tauanina kaha taina, huina, eiava ena dabua na idoinai ranu lalonai se vareai neganai.

Bapatiso helaga gaukarana baine hekara na, dagi helaga e dogoa taomu eiava Melekesedi Dagi Helaga e dogoa taomu tauna:

1. Ranu lalonai baine gini e bapatisoamu tauna ida.

2. Una tau imana idibana vagivagina ai imana laurina ai baine dogoa tao (henahuatoho dainai). Baine bapatiso tauna ese dagi helaga e dogoa taomu tauna imana laurina vagivagina, ina tau eiava hahine imana laurina baine dogoa tao.

3. Imana idibana baine abia isi skoea na heto.

4. Una tau ladana idoinai baine boilaia bona baine gwa, “Iesu Keriso ese maoro bona siahu e henigu dainai, Lau ese oi na bapatisomumu Tamana, bona Natuna, bona Lauma Helaga ladadiai. Amen” (Hahediba bona Gwauhamata Herevadia 20:73).

5. Una tau eiava hahine udu baubauna imana idibana ai baine e dogoa tao, bena imana idibana doruna atainai baine atoa kau bona ranu lalonai tauanina idoinai, bona ena dabua danu, baine urua diho.

6. E bapatisoamu tauna baine durua ranu lalona amo baine hakaua lasi.