Anibou

Dubu ekelesia taudia na Sabadi dinana ai e heboumu Dirava e toma diho heniamu bona anibou e animu. Ina helaga gaukarana lalonai, idia ese parao e aniamu bona ranu e inuamu Hahemauri Tauna ena gwau heato Ia tauanina bona rarana ilalotaona bona edia gwauhamata helagadia ihamatamatadia lou dainai.

• Dagi helagadia bona Melekesedi Dagi Helaga e dogo taomu taudia ese anibou bae hanamoa.

• Diakono, ahediba taudia, dagi helaga e dogo taomu bona Melekesedi Dagi Helaga e dogo taomu taudia ese anibou helaga gaukaradia bae kara.

1. Parao e hanamoamu tauna tuina eha daiamu bona anibou gurigurina egwauraiamu parao eha namoamu (Hahediba bona Gwauhamata Herevadia 20:77 baitaia).

   O Dirava, Tamamai noho hanai hanai Natumu Iesu Keriso ladanai anoimumu Ina parao ame hanamoa bona hagoevaia Bae ania taudia iboudiai laumadia edia Bena idia ese bae ania Natumu tauaniana bae laloa tao, bona bae hamomokanimu, O Dirava Tamamai noho hanai hanai Bena idia ese Natumu ladana bae abia isi latadiai Bena nega iboudiai bae laloa tao Bona ena taravatu ehenidia gauna bae badinaia Bena Ia Laumana na nega iboudiai idia ida. Amen.

2. Ranu eha namoamu tauna tuina eha daimu bona anibou gurigurina egwauraiamu ranu eha namoamu (Hahediba bona Gwauhamata Herevadia 20:79 baitaia).

   O Dirava, Tamamai noho hanai hanai Natumu Iesu Keriso ladanai anoimumu Ina ranu ame hanamoa bona hagoevaia Bae inua taudia iboudiai laumadia edia Bena idia ese bae inua Natumu rarana bae laloa tao Idia daidiai ehebubu Bena idia ese bae hamomokanimu, O Dirava Tamamai noho hanai hanai Bena idia ese nega iboudiai bae laloa tao Bena idia ese Ia laumana na bae abia idia ida. Amen.