Uncedo lweZifundo

IiFoto zeMbali yeBandla

Iziqulatho
INtshayelelo
IMbonakalo Jikelele
1. Hlathi eliNgcwele
2. Nduli iCumorah noMmandla iPalmyra-Manchester
3. INdlu eyaKhiwe ngeZiqu zeMithi kaJoseph Smith Omkhu.
4. Shicilelo lukaGrandin neVenkile yokuShicilela
5. Mlambo iSusquehanna
6. Peter Whitmer Omkhu. iSiza seKhaya
7. Venkile kaNewel K. Whitney neNkampani
8. Khaya likaJohn Johnson
9. Tempile iKirtland
10. Adam-ondi-Ahman
11. ISiza seTempile iFar West
12. Ntolongo iLiberty
13. Ndlu eNkulu eNauvoo
14. Venkile kaJoseph Smith Omnci. yeZitena eziBomvu
15. Tempile iNauvoo
16. Ntolongo iCarthage
17. IMfuduko eya eNtshonalanga
18. Tempile iSalt Lake

IiFoto zeMbali yeBandla

IiFoto zeMbali yeBandla

INtshayelelo
Ezi foto zeziza zembali ebalulekileyo yeBandla zibonisa amazwe apho abaNgcwele beMihla yokuGqibela bokuqala bahamba khona, apho abaprofeti bangoku babehlala kwaye befundisa khona, nalapho izehlo ezininzi zezibhalo zenzeka khona.
IMbonakalo Jikelele
Iimaphu engezantsi ibonisa indawo yeefoto kweli candelo. Kumaphepha alandelayo, ifoto nganye enomboliweyo ikhatshwa yinkcazelo emfutshane yalapho ithathelwe khona. Izehlo zezibhalo ezibalulekileyo ukusuka kuloo mmandla ngoko ke zidwelisiwe, kunye nezalathiso zesibhalo ukuze ubenako ukwazi apho unokufunda ngakumbi ngezoo zehlo.
1. Hlathi eliNgcwele
IHlathi eliNgcwele lifumaneka ePalmyra nakwiiDolophana zaseManchester, eNew York. Eli hlathi leemithi lime kanye entshonalanga kwalapho indlu yosapho lakwaSmith eyakhiwe ngeziqu zemithi yayikhona ngowe-1820.
2. Nduli iCumorah noMmandla iPalmyra-Manchester
Ijonge ngasentla, le foto ibonisa iNduli iCumorah eManchester, eNew York. Induli ibonakala kwikona engezantsi yasekunene kwefoto ize ibaleke kancinane nje ngaphezu kwesiqingatha sendlela ukuya kumphezulu wayo. Ilitye lesikhumbuzo elimhlophe libonakala ekugqibeleni kwenduli entshonalanga linika imbeko ingelosi uMoronayi nokuza ngaphambili kweNcwadi kaMormoni. INduli iCumorah ifumaneka kangangeekhilomitha ezintlanu emazantsi-mpumalanga yeHlathi eliNgcwele. Kufutshane nomphezulu wefoto yiLali iPalmyra, umgama oziikhilomitha ezintandathu ezinesiqingatha. Ifama yooSmith neHlathi eliNgcwele zimi kwicala eliphezulu langasekhohlo lefoto.
3. INdlu eyaKhiwe ngeZiqu zeMithi kaJoseph Smith Omkhu.
Umfanekiso wekhaya likaJoseph Smith Omkhu., lakhiwa kwisiza sendlu yokuqala kufutshane ePalmyra, eNew York. Usapho lakwaSmith lwakha ikhaya lokuqala elinomgangatho 1½ elenziwe ngeziqu ezigawuliweyo zemithi kungekudala emva kokuba befikile ePalmyra. Usapho lwahlala apha ukususela kowe-1819 ukuya kowe-1825.
4. Shicilelo lukaGrandin neVenkile yokuShicilela
Ivenkile yokushicilela eyabuyiselwayo kaEgbert B. Grandin ePalmyra, eNew York, apho uhlelo lokuqala lweNcwadi kaMormoni lwapapashwa khona ngowe-1830. UMartin Harris wabambisa ngefama yakhe waza wathengisa inxenye yayo ukuze ahlawule indleko yokushicilela iikopi ezi-5,000 eeNcwadi zikaMormoni. Udityaniso loonobumba abaza kushicilelwa lwaqaliswa ngoAgasti 1829, zaza iikopi ezigqityiweyo zafumaneka ngowa-26 Matshi 1830.
5. Mlambo iSusquehanna
Le foto ibonisa uMlambo iSusquehanna kwiDolophana iHarmony Pennsylvania.
6. Peter Whitmer Omkhu. iSiza seKhaya
Le ndlu yenziwe ngeziqu zemithi ibonisa ikhaya lokuqala lika Peter Whitmer Omkhu., eFayette, eNew York.
7. Venkile kaNewel K. Whitney neNkampani
Ivenkile kaNewel K. Whitney yadlala indima ebalulekileyo kwimbali yeBandla eKirtland. UJoseph noEmma Smith bahlala apha ixesha elifutshane. Izityhilelo ezibalulekileyo eziliqela zafunyanelwa apha. ISikolo saBaprofeti sasibanjelwa evenkileni ukususela ngoJanuwari 24, 1833, kwada kwalixesha elithile kuAprili 1833.
8. Khaya likaJohn Johnson
Ikhaya likaJohn noAlice Johnson lalime eHiram, eOhio. Eli gumbi likumgangatho wesibini.
9. Tempile iKirtland
ITempile iKirtland imi eKirtland, eOhio.
10. Adam-ondi-Ahman
Ijonge emazantsi entlambo ka-Adam-ondi-Ahman, intlambo ezolileyo, entle efumaneka entla-ntshonalanga yeMissouri kufuphi nomzi waseGallatin.
11. ISiza seTempile iFar West
Indawo yokuhlala yaseFar West, eMissouri, yaba likhaya labaNgcwele abangama-3,000 ukuya kuma-5,000 ababefuna ukhuseleko kwintshutshiso kwiKhawunti iJackson neClay. Ngowe-1838 iNkosi yayalela abaNgcwele ekubeni bakhe itempile apha (khangela I&M 115:7–8). Intshutshiso yeqela lezaphuli-mthetho labavalela ekwenzeni oko ngo-Oktobha 31 waloo nyaka, Ngo-Oktobha 31, 1838 uMprofeti uJoseph Smith nezinye iinkokeli zeBandla babanjwa kwaye, emva kwetyala elibophelelayo eRichmond, bavalelwa kwiNtolongo iLiberty. Ngethuba lobusika bowe-1838–1839, abaNgcwele beMihla yokuGqibela bagxothwa eFar West nakwezinye iziza eMissouri baza bema kwakhona eIllinois.
12. Ntolongo iLiberty
Intolongo eseLiberty, eMissouri, malunga nowe-1878. UJoseph Smith nabanye abazalwana abahlanu babevalelwe entolongweni ngokungafanelekanga ngaphakathi kweendonga zayo ezingqingqwa ngoku-1.2 yeemitha ukysusela kuDisemba 1, 1838, kude kube ngoAprili 5, 1839. (USidney Rigdon wakhululwa ekupheleni kukaFebruwari.) Babegcinwe kwindawo engezantsi okanye kwinxenye yentolongo ephatsi komhlaba yesakhiwo, babelala ematyeni abandayo, kumgangatho osasazwe iindiza nokukhanya okuncinane nokhuseleko olungephi kubusika obubandayo.
13. Ndlu eNkulu eNauvoo
UJoseph Smith Omnci. nosapho lwakhe bafudukela kwiNdlu eNkulu eNauvoo ngoAgasti 1843. Kamva iphiko longezwa kwicala lasempumalanga lesakhiwo esiyintloko ukwenza isiphumo samagumbi angama-22. Ekuqalekeni kuJanuwari 1844, uEbenezer Robinson wongamela indlu njengehotele, weza uMprofeti wagcinela amagumbi amathandathu usapho lwakhe. Indlu yasebenza nook njengombindi woluntu lwaseNauvoo. Izihlonitshwa ezibalulekileyo zazisamkelelwa apha nguMprofeti.
14. Venkile kaJoseph Smith Omnci. yeZitena eziBomvu
Isikhiwo sevenkile kaJoseph Smith Omnci. yakhiwe kwakhona neofisi yayifumaneka eNauvoo, eIllinois. Yayisesinye sazakhiwo ezazizezona zibalulekileyo eBandleni ngethuba lexesha laseNauvoo. Singasebenzi nje kuphela njengevenkile jikelele, kanjalo saba ngumbindi wolonwabo, uqoqosho, upolitiko, nemisebenzi yezenkolo. UJoseph Smith wagcina iofisi kumgangatho wesibini.
15. Tempile iNauvoo
ITempile iNauvoo yokuqala yayakhiwe ngelitye lekalika lasekuhlaleni elibungwevu-mhlophe. Isakhiwo sasingumlinganiselo ongama-39 eemitha ubude nobubanzi obungama-27 eemitha. Umphezulu wenkcochoyi wema ungama-48 eemitha ngentla kolungelelwaniso lomhlaba. Amalungu eBandla enza ukuncama okukhulu ukuze akhe le tempile intle, ekuqaleni umsebenzi ngowe-1841. Amanye asebenza iinyanga ekwakheni; amanye ancama imali yawo. Nangona kunjalo yayingagqitywanga ngokupheleleyo, itempile yayizala ime ngeembambo ngamalungu azele imimiselo ngethuba leenyanga phambi kokusabela kwawo eNtshonalanga. Ngexesha abaninzi babaNgcwele bemka eNauvoo ekuqalekeni kwentlakohlaza yowe-1846 phantsi kwesoyikiso sogonyamelo lwezaphuli-mthetho, iqela elikhethekileyo lahlala ngemva ligqibezela itempile. NgoAprili 30, 1846, uMdala Orson Hyde noWilford Woodruff beKhoram yabaLishumi elineSibini nabanye ababe malunga nama-20 bangcwalisa le ndlu yeNkosi. Itempile yashiywa ngoSeptemba xa amalungu awayesele eBandla agxothwa aphuma eNauvoo; imikhosi yamaqela ezaphuli-mthetho ngoko yangcolisa isakhiwo esingcwele. Umphakathi watshatyalaliswa ngomlilo ngo-Oktobha 1848. Itempile eyakhiwe kwakhona (iboniswe ngomfanekiso apha), umfanekiso wokuqala othembekileyo wangcwaliswa nguMongameli uGordon B. Hinckley ngoJuni 27–30, 2002.
16. Ntolongo iCarthage
Yindlu yentolongo kwidolophu yaseCarthage, eIllinois.
17. IMfuduko eya eNtshonalanga
Ukuqaleka kwemfuduko yaseNauvoo, eIllinois, kwakucetywe ngoMatshi–Aprili, kodwa ngenxa yezoyikiso zeqela lezaphuli-mthetho uMongameli uBrigham Young walawula loo mfuduko yabaNgcwele ukuwela uMlambo iMississippi iqale ngoFebruwari 4, 1846. UMongameli Young washiyeka ngasemva elungiselela iziphiwo zabaNgcwele kwaye akazange ayishiye iNauvoo kwada kwaba phakathi kuFebruwari.
18. Tempile iSalt Lake
ITempile iSalt Lake, imbonakalo esukela emntla-mpuma. Emva kweentsuku ezimbalwa iqela loovulindlela labaNgcwele beMihla yokuGqibela bangenayo kwiNtlambo iSalt Lake, uMongameli uBrigham Young wabetha umhlaba ngomsimelelo wakhe waza wabhengeza, “Apha siya kwakhela uThixo wethu itempile.” Umhlaba waqhekezwa ngoFebruwari 14, 1853. NgoAprili 6, 1853, amatye embombo abekwa. Itempile yagqitywa yaza yangcwaliswa kwiminyaka engama-40 emva koko ngoAprili 6, 1893. UBumongameli boKuqala neKhoram yaBapostile abaLishumi elineSibini bahlangana apha qho ngeveki becinga nzulu kwaye befuna isikhokelo seNkosi ekulungiseleleni nasekwakheni ubukumkani bukaThixo.