Sekshon 4
Revelashon duná pa medio di José Smith e Profeta na su tata, José Smith Sr., na Harmony, Pennsylvania, na febrüari 1829.
1–4, Servisio balente ta salba e ministernan di Señor; 5–6, Atributonan divino ta kualifiká nan pa e ministerio; 7, Mester prokurá e kosnan di Señor.
1 Awor mira, un obra maravioso ta serka di aparesé entre e yunan di hende.
2 Pues, O boso ku ta embarká den e servisio di Dios, wak pa boso sirbié ku tur boso kurason, poder, mente i forsa, pa boso por aparesé sin kulpa dilanti di Dios na e delaster dia.
3 Pues, si boso tin deseonan pa sirbi Dios boso ta yamá pa e obra;
4 Pasobra mira e kampo ya ta blanku pa kosecha; i mira, esun ku zwai ku su zeis ku tur su forsa, e ta atesorá pa su mes pa e no bai pèrdí, pero ta trese salbashon pa su alma;
5 I fe, speransa, karidat i amor, ku un bista fihá solamente riba e gloria di Dios, ta kualifik’é pa e obra.
6 Kòrda, fe, virtut, konosementu, moderashon, pasenshi, bondat fraternal, santidat, karidat, humildat, diligensia.
7 Pidi, i lo bo risibí; bati, i lo wòrdu habrí p’abo. Amèn.