Sekshon 2
Un ekstrakto for di e historia di José Smith relashonando e palabranan di e angel Moroni na José Smith e Profeta, miéntras e tabata den e kas di palu di famia Smith na Palmyra, New York, riba e anochi di 21 di sèptèmber 1823. Moroni tabata e último di un liña largu di historiadónan ku a traha e registro ku awor ta wòrdu presentá na mundu komo e Buki di Mormon. (Kompará ku Malakías 4:5–6; tambe sekshonnan 27:9; 110:13–16; i 128:18.)
1, Elías e Profeta mester revelá e saserdosio; 2–3, E promesanan di e tatanan ta wòrdu plantá den e kurason di e yunan.
1 Mira, ami lo revelá na boso e Saserdosio, pa medio di e man di Elías e profeta, promé ku e binida di e dia grandi i teribel di Señor.
2 I e lo planta den e kurason di e yunan e promesanan hasí na e tatanan, i e kurason di e yunan lo bolbe na nan tatanan.
3 Si no t’asina, henter e tera lo wòrdu destruí kompletamente na su binida.